Футбаліст маскоўскага ЦСКА Шкурын заклікаў да новых выбараў у Беларусі
4- 6.12.2020, 12:21
- 11,958
Ён падпісаў ліст свабодных спартоўцаў.
Беларускі нападнік маскоўскага ЦСКА Ілля Шкурын падпісаў ліст за сумленныя выбары і супраць гвалту, піша tut.by.
Характэрна, што Шкурын ужо даўно актыўна выступаў супраць гвалту ў Беларусі, пасля жнівеньскіх падзей ён паведаміў, што не будзе выступаць за нацыянальную каманду краіны, пакуль ва ўладзе знаходзіцца Лукашэнка. І вось цяпер ён пакінуў подпіс пад адпаведным лістом. Адзначым, што на гэты момант яго падпісала больш за 1500 чалавек.
У Беларусі Ілья Шкурын выступаў за «Энэргетык-БДУ», стаўшы ў 2019 годзе найлепшым бамбардзірам чэмпіянату, у пачатку 2020 года ён перайшоў у маскоўскі ЦСКА.