Улады не наважылі, ці будуць зніжаць цэны цукру

У суседняй Расеі цукар каштуе танней.

Беларускія ўлады пакуль не наважылі, ці будуць працягваць рэгуляваць цэны цукру. Гэта вынікае з адказу першага віцэ-прэм'ера Дзмітрыя Крутога журналістам пасля выніковай калегіі Міністэрства антыманапольнага рэгулявання і гандлю (МАРГ).

«Лічыцца ўвесь сабекошт цалкам, экспартныя кантракты, пераглядаецца ўся структура продажаў. Разгляд будзе комплексным», - цытуе БелТА адказ чыноўніка на пытанне, ці будзе разглядацца скасаванне такога рэгулявання.

Намеснік міністра МАРГ Андрэй Картун падкрэсліў, што рэгуляванне цэн на цукар не вырашае цалкам праблемы эфектыўнасці яго вытворчасці ў Беларусі. Таксама гэта пагаршае паказчыкі работы айчыннай кандытарскай галіны пры выкарыстанні беларускага цукру.

Напрыклад, канцэрн «Белдзяржхарчпрам» загадаў прадпрыемствам кандытарскай галіны браць толькі беларускі цукар і толькі ў канкрэтных пастаўшчыкоў. «У гэтых дзеяннях мы ўгледжваем парушэнне антыманапольнага заканадаўства, і адпаведнае папярэджанне МАРГ у дачыненні да канцэрна ўжо падрыхтаванае», - дадаў Картун.

У Беларусі дзяржава (у асобе МАРГ) вызначае мінімальна дапушчальныя цэны цукру і максімальна дапушчальную гандлёвую надбаўку. Апошняя пастанова на гэты конт уступіла ў дзеянне 1 студзеня 2020 года, яна разлічаная на 60 дзён. Да таго дзейнічала падобная пастанова, прынятая ў кастрычніку 2019 года на 90 дзён.

У суседняй Расеі цукар таннейшы.