Расея страціць першае месца ў медальным заліку алімпіяды ў Сочы

Біятланіста Усцюгова прызналі вінаватым ва ўжыванні допінгу.

Расейскі біятланіст Яўген Усцюгоў прызнаны вінаватым у парушэнні антыдопінгавых правілаў і пазбаўлены залатога медаля Алімпійскіх гульняў 2014 года ў Сочы. Пра гэта ТАСС паведаміла крыніца, знаёмая з ходам справы.

Вынікі Яўгена Усцюгова, паказаныя ім у перыяд з 27 жніўня 2013 года на канец сезона-2013/14 падлягаюць дыскваліфікацыі з усімі вынікаючымі наступствамі - пазбаўленнем усіх медалёў, балаў і прызоў. У ліку наступстваў - ануляванне вынікаў Усцюгова на Алімпійскіх гульнях 2014 года, на якіх ён здабыў залаты медаль у эстафеце.

Раней алімпійская чэмпіёнка ў біятлоне Святлана Сляпцова прызнаная вінаватай у парушэнні антыдопінгавых правілаў. Яе вынікі з сакавіка 2013 года на канец сезона 2014 го ануляваныя. Сляпцова, якая скончыла кар'еру біятланісткі яшчэ ў 2017-м годзе, атрымала двухгадовую дыскваліфікацыю.

Пры гэтым адлічвацца яна будзе з аўторка - даты вынясення вердыкту. Як адзначаюць у СБР, Сляпцову прызналі вінаватай у тым, што яна прымала нейкую забароненую субстанцыю ў парушэнне правілаў Міжнароднага саюза біятланістаў (IBU). Пры гэтым у той перыяд, вынікі якога ануляваныя, спартоўка выступіла на этапе Кубка свету толькі адзін раз: у французскім Ансі ў эстафеце. Расейская каманда тады заняла 6-е месца.

Абвінавачванні ў парушэнні антыдопінгавых правілаў былі выстаўленыя Сляпцовай у 2018 годзе. Тады ж пад падазрэнні патрапілі біятланісты Аляксандр Пячэнкін і Аляксандр Чарнышоў - іх дыскваліфікавалі мінулым летам - а таксама двухразовы алімпійскі чэмпіён Яўген Усцюгоў. Пра тое, што супраць яго зноў вядзецца расследаванне, стала вядома ў чацвер. Сляпцова ж раней казала, што Міжнародны саюз біятланістаў пусціў пыл у вочы і не выставіў ніякіх доказаў.

Святлана Сляпцова з'яўляецца алімпійскай чэмпіёнкай Гульняў 2010 года ў Ванкуверы. Таксама яна стала чэмпіёнкай свету ў 2009 годзе. Абедзве ўзнагароды здабытыя ў эстафетах і захаваныя за біятланісткай.