Павел Клімкін: Спыніць БелАЭС яшчэ не позна

Былы кіраўнік МЗС Украіны выступіў на пасяджэнні Руху супраць Астравецкай АЭС.

На пасяджэнні выступіў былы кіраўнік МЗС Украіны Павел Клімкін. Ён некалькі разоў заявіў, што спыніць будаўніцтва БелАЭС яшчэ не позна.

«Я выдатна памятаю, як мае бацькі спрабавалі вывезці маю сястру з Кіева на наступны дзень пасля Чарнобыля. Трэба распрацаваць стратэгію разам з партнёрамі ў ЕЗ і зрабіць прапанову Беларусі, якую ўлады не змогуць адхіліць. Не варта казаць, што ўсе далейшыя стасункі з Беларуссю будуць залежаць ад пытання АЭС. Гэта не правільна. Хутчэй і больш эфектыўна будзе накіраваць намаганні на тое, каб вывесці Беларусь з-пад уплыву Масквы», - цытуе Клімкіна novayagazeta.ee.

Ён дадаў, гэтае пытанне не простае ў сэнсе рэалізацыі, і праблема БелАЭС - не толькі праблема Літвы.