Фотафакт: Непрыгожыя кватэры каля БелАЭС здаюць амаль за тысячу даляраў кожную

Адкуль такі кошт?

Менскі фатограф Сяргей Гудзілін звярнуў увагу на некаторыя кошты арэнднага жылля ў Астраўцы (Гарадзенская вобласць), дзе заканчваюць будаваць і рыхтуюцца да хуткага запуску БелАЭС.

Звычайныя кватэры без вычварнага рамонту і якіх-небудзь асаблівых вынаходстваў (іншымі словамі, далёка не новы будынак Вярхоўнага суда і нават не мастацтва Dana Holdings) тут прапануюць за амаль тысячу даляраў за штуку. Мы пайшлі ў інтэрнэт і адшукалі парачку такіх аб'яў, піша kyky.org.

Напрыклад, за двухпакаёвую кватэру ў Астраўцы на вуліцы Валадарскага, 7 просяць 850 даляраў. Агульная плошча - 48,7 квадратнага метра, і, як паказана ў аб'яве, унутры - уся бытавая тэхніка і мэбля.

У другой аб’яве арэнда трохпакаёвай кватэры ў Астраўцы каштуе 700 даляраў (сотня квадратных метраў). Крыху ніжэй удакладняецца, што напраўду жыллё знаходзіцца не ў самым Астраўцы, а за 18 кіламетраў ад яго - у Ашмянах. «Еўрарамонт. Уся неабходная тэхніка (тэлевізары, пасудамыйная машына, пральная машына). Wi-Fi. Пажадана для супрацоўнікаў АЭС», - пішуць арэндадаўцы.

За двухпакаёвую кватэру на вуліцы Валадарскага, 44 давядзецца выкладваць 600 даляраў штомесяц (51 квадратны метр), але яе мы загадзя не ўбачым - уладальнікі палічылі, што і без фота аб'ява выглядае добра. Як і не ўбачым жыллё на вуліцы Ленінскай, 11 за 600 даляраў за месяц (41 квадратны метр), але можам пафантазіраваць - таксама пішуць, што ў кватэры ёсць мэбля і тэхніка.

Гаспадары яшчэ адной кватэры на вуліцы Валадарскага, 63В (62 квадратныя метры) прымацавалі да аб'явы толькі план, які каштавацьме арандатару 800 даляраў на месяц. Ёсць, вядома, варыянты і таннейшыя, напрыклад, кватэра ў Ашмянах за 200 даляраў штомесячнай планы (на жаль фота адсутнічаюць). Але ў яе заселяць толькі чалавека, працаўладкаванага на БелАЭС.

Тым часам пуск першага энэргаблока БелАЭС, якая будуецца паводле расейскага праекту, адбудзецца ўжо ў 2020 годзе. Другі энэргаблок станцыі хочуць увесці ў эксплуатацыю ў 2021 годзе. На ім ужо выкананыя 70% будаўніча-мантажных работ.