Відэафакт: Гулец менскага «Дынама» з некалькіх метраў не забіў у пустую браму

Футбольны клуб прадаўжае рыхтавацца да новага сезону ў турэцкім Белеку.

Чарговым этапам збораў стаў таварыскі матч з эстонскай «Левадыяй». Спаборнік «бела-блакітных» другі ў сіле клуб Эстоніі (адставанне ад чэмпіёнскай «Флоры» – 12 балаў), таму фаварытам сустрэчы бачыліся менавіта менчукі, піша by.tribuna.com.

І яны даволі хутка гэты статус апраўдалі – ужо на 6-й хвіліне лік адкрыў Іван Бахар.

Аднак развіць поспех у «Дынама» не атрымалася. Больш за тое – на 38-й хвіліне эстонцы здолелі зраўняць лік. Зрэшты ў менчукоў быў ідэальны шанец на практычна імгненную рэабілітацыю.

Пісьменны прэсінг у цэнтры поля прымусіў «Левадыю» згубіць мяч, чым імгненна скарысталіся беларусы – але варожая контратака, кіпер эстонцаў адбівае магутны ўдар Даніла проста на нагу Яўгену Шыкаўку, які знаходзіцца за некалькі метраў перад пустой брамай і... Далейшае экс-форварду «Ларысы» напэўна хочацца хутчэй забыць (адзнака 01:40).

У другім тайме адбыліся масавыя замены – Шыкаўка ў іншых эпізодах вызначыцца таксама не здолеў і пайшоў з поля на 66-й хвіліне. Больш галоў мы не ўбачылі, і матч так і скончыўся нічыёй 1:1.