Сімона Халеп: Сабаленка вельмі моцна б'е па мячы

Другая ракетка свету ацаніла свае шанцы ў гульні з беларускай тэнісісткай.

Другая ракетка свету з Румыніі Сымона Халеп падзялілася для карэспандэнта pressball.by чаканнямі ад матчу з Арынай Сабаленкай у 1/4 фіналу "Прэм'ера" ў Дубаі.

– Раскажыце крыху пра будучыя матчы з Арынай Сабаленкай. Якая небяспека ад яе зыходзіць?

– Што тут казаць, яна вельмі моцна б'е па мячы. На турніры ў Адэлаідзе ў мяне не атрымлівалася ёй адказваць гэтак жа моцна. Але заўтра будзе новы дзень.

Я ўжо не тая, што была ў Аўстраліі. Спадзяюся, змагу згуляць лепш.

У студзені на турніры ў Адэлаідзе Сабаленка перамагла Халеп у чвэрцьфінале – 6:4, 6:2. Двубой у Дубаі пройдзе 20 лютага. Пачатак – а 20-й паводле беларускага часу.