30 сакавiка 2020, панядзелак, 2:37
Народны карантын
Рубрыкі

«Баста!»: Беларускія чыноўнікі генеруюць трызненне адпаведна з вызначаным графікам?

13
«Баста!»: Беларускія чыноўнікі генеруюць трызненне адпаведна з вызначаным графікам?

У Казахстане, кажуць, ідэю падгледзелі.

Не паспелі беларусы здзівіцца конкурсу «Паспей прабіць талончык за 15 секунд», як з'явілася новая ідыёцкая ідэя - забараніць крытыкаваць настаўнікаў, піша Telegram-канал «Баста!».

- Апошнім часам адбываецца нямала падзей негатыўнага характару, калі вучні спрабуюць ціснуць на педагога, а часам і абражаюць яго. Грамадству неабходна стаць на абарону настаўніка, - заявіла Вольга Чупрыс, намесніца кіраўніка адміністрацыі дыктатара.

У Казахстане, кажуць, ідэю падгледзелі.

Ідыятызм гэтай прапановы абмяркоўваць не будзем, пакінем гэта абураным бацькам школьнікаў. Проста пару рытарычных пытанняў.

Чаму ўсе новыя ідэі дыктатар і ягоныя падначаленыя бяруць то ў Казахстане, то ў Кітаі, то яшчэ недзе на задворках цывілізацыі? Чаму нельга паглядзець на нашых суседзяў на Захадзе і хоць чаму-небудзь павучыцца ў іх? У палякаў, напрыклад - яны ж бліжэй да нас, чым казахі.

У нас ужо ёсць артыкул за абразу Лукашэнкі. Яе наяўнасць у КК зразумела - дыктатара беларусы ненавідзяць. Няўжо настаўнікаў таксама не любяць настолькі, што ім патрабуецца абарона? Чаму так здарылася? Мажліва, праз іх удзел у фальсіфікацыі выбараў? Ды не, наўрад ці, не можа быць. Тады чаму?