У новай вайсковай стратэгіі Украіны закладуць курс на сяброўства ў NАТО

Гэта пацвярджае імкненне да сяброўства ў альянсе.

На працягу двух-трох месяцаў з'явіцца вайсковая стратэгія Украіны, у якую закладуць курс Украіны на сяброўства ў NАТО. Пра гэта 24 лютага заявіў гендырэктар Дырэктарата ў пытаннях нацыянальнай бяспекі і абароны Офіса прэзідэнта Украіны Іван Апаршын, паведамляе «Еўрапейская праўда» са спасылкай на «Інтэрфакс-Украіна».

«Найбліжэйшым часам, на працягу двух-трох месяцаў, будзе вайсковая стратэгія. Там таксама будзе прамая норма аб уступленні Украіны ў NАТО», - сказаў ён.

Апаршын адзначыў, што Украіна практычнымі крокамі пацвярджае імкненне да сяброўства ў альянсе.

«Бюджэт павялічаны. Дзяржаўны абаронны заказ, хоць і з затрымкай, ужо сёння зацверджаны. Сёння, зноў жа, на ўзроўні камітэта будуць унесены некаторыя змены», - сказаў ён.

Чыноўнік дадаў, што Офіс прэзідэнта пачаў інспекцыйную праверку Міністэрства абароны і Узброеных сіл Украіны ў пытанні тэрытарыяльнай абароны.

Нагадаем, у студзені віцэ-прэм'ер у пытаннях еўрапейскай і еўраатлантычнай інтэграцыі Дзмітрый Кулеба звярнуўся да NАТО з просьбай пачаць афіцыйную працэдуру разгляду заяўкі Украіны на далучэнне да Праграмы пашыраных магчымасцяў NАТО. Заяўку павінны разгледзець у кастрычніку.