Скандал на ЧЕ ў Раўбічах: беларусы дыскваліфікавалі нарвежцаў

Нарвежцы падалі апеляцыю.

IBU задаволіў пратэст беларускай каманды на вынікі змяшанай эстафеты ў рамках чэмпіянату Еўропы-2020. Каманда Нарвегіі дыскваліфікаваная, беларуская каманда перамясцілася на трэцяе месца.

Паводле інфармацыі pressball.by, гэта рашэнне не канчатковае. Нарвежскі бок падаў апеляцыю на рашэнне арганізатараў. Спрэчнымі сталі дзеянні нарвежскага фінішора Аляксандра Андэрсана, які выштурхнуў Сяргея Бачарнікава з трасы на апошнім коле. На відэа гэты момант не трапіў, аднак знайшоўся сведка - з каманды Расеі. Беларус пайшоў у абгон, аднак нарвежац «выштурхнуў» Сяргея.

Узнагароджанне паводле вынікаў мікста, якое павінна было адбыцца 27 лютага, перанеслі.