Якім будзе надвор'е на выходных

Прагноз надвор'я па Беларусі на 29 лютага - 2 сакавіка.

29 лютага надвор'е будуць вызначаць вобласць паніжанага атмасфернага ціску і няўстойлівая паветраная маса. Чакаецца воблачнае з праясненнямі надвор'е. Месцамі пройдуць невялікія ападкі, у асноўным снег, мокры снег, піша pogoda.by.

Уначы і раніцай у асобных раёнах слабыя туман і галалёд. Вецер заходні, паўднёва-заходні ўмераны. Тэмпература паветра мінімальная ўначы -1.. -7°С, максімальная ўдзень +1.. +7°С. Атмасферны ціск будзе расці.

1 сакавіка надвор'е ў краіне будзе вызначаць поле паніжанага атмасфернага ціску і атмасферны фронт, які перамяшчаецца з тэрыторыі Польшчы. Будзе воблачнае, уначы з праясненнямі надвор'е. Уначы месцамі, раніцай і ўдзень на большай частцы тэрыторыі рэспублікі ападкі (мокры снег, дождж). Уначы і раніцай на асобных участках дарог галалёдзіца. Вецер паўднёвы, паўднёва-заходні парывісты. Тэмпература паветра мінімальная ўначы -4.. +3°С, удзень +3.. +9°С.

2 сакавіка рэспубліка будзе ў зоне атмасферных франтоў і цёплай паветранай масе, якія перамяшчаюцца з паўднёвага захаду Еўропы. Чакаецца воблачнае з праясненнямі надвор'е. Часам ападкі, у асноўным дождж. Уначы і раніцай слабы туман. Вецер паўднёвай чвэрці ўмераны. Тэмпература паветра мінімальная ўначы -1.. +4°С, максімальная ўдзень +4.. +9°С.