Асад нясе буйныя страты: З'явіліся новыя відэа ўдараў Турцыі ў Сірыі
- 29.02.2020, 13:31
- 15,218
Недалёка ад Алепа ліквідаваны аб'ект з хімічнай зброяй і гатовыя да пуску ракетныя ўстаноўкі.
Узброеныя сілы Турцыі прадаўжаюць наносіць удары ў Сірыі па цэлях арміі рэжыму Башара Асада, хаўрусніка Расеі.
Пра гэта паведамляе турэцкае агенцтва навінаў Anadolu (пераклад – apostrophe.ua).
Паводле аднаго з паведамленняў Міністэрства нацыянальнай абароны Турцыі, за 28 лютага былі нейтралізаваныя 56 салдатаў войскаў дамаскага рэжыму.
Акрамя таго, знішчаныя 8 танкаў, 4 БТР, 5 гаўбіцаў і 2 ракетныя ўстаноўкі сірыйскіх войскаў.
Установа апублікавала відэакадры знішчэння размешчанага за 13 км ад Алепа ваеннага аб'екта з хімічнай зброяй, транспартных сродкаў з гатовымі да пуску ракетнымі ўстаноўкамі.
Таксама на відэа відаць удары па месцах засяроджання вайскоўцаў арміі рэжыму.