У Беларусі з’явіліся сур'ёзныя праблемы з валютай
28- 20.03.2020, 9:48
- 28,527
Людзі займаюць чаргу ў абменнікі і банкаматы з самай раніцы.
Многія беларусы сутыкнуліся з сур'ёзнымі праблемамі пры куплі валюты, паведамляе тэлеграм-канал «Баста».
«Даведаўшыся пра скачок курсу, надумала частку заробку перавесці ў валюту. На куплю 215 даляраў давялося выдаткаваць амаль тры гадзіны. Абышла некалькі абменнікаў, дзе валюты наогул не было. У рэшце у аддзяленні «Беларусбанка» на Русіянава знайшла 30 даляраў. Далей проста чакала, калі хто-небудзь прыйдзе здаваць валюту і адразу купляла. Амаль дзве гадзіны сышло на чаканне - пакуль атрымалася набраць патрэбную суму. За гэты час у аддзяленне заходзіў дзясяткі людзей, якія таксама хацелі купіць валюту. Што будзе заўтра - нават страшна ўявіць», - паведаміла падпісчыца тэлеграм-канала з Менска.
Усё часцей людзі сутыкаюцца з тым, што валюты ў банкаматах няма.
У Берасці чэргі ў абменнікі і банкаматы займаюць з самай раніцы. «Сябры, не забывайце пра вірус. надзявайце маскі, трымайце дыстанцыю», - заклікае «Баста».