За дзень у Італіі і ЗША зафіксаваныя па 5,5 тысяч новых выпадкаў каранавіруса
7- 21.03.2020, 11:39
- 19,503
![За дзень у Італіі і ЗША зафіксаваныя па 5,5 тысяч новых выпадкаў каранавіруса](https://i.c97.org/ai/369224/aux-head-1584093899-202020313_korona_italia_t.jpg)
Апублікаваная ўражальная інфаграфіка.
За апошні дзень Гішпанія, Нямеччына і ЗША выперадзілі Іран у колькасці інфіцыраваных каранавірусам.
Пра гэта сведчаць звесткі worldometers.info, перадае censor.net.ua.
У ЗША за ўчарашні дзень колькасць хворых каранавірусам павялічылася на 5594 чалавека. Там таксама зарэгістравалі 49 смерцяў.
У Італіі за гэты ж перыяд налічылі 5986 пацверджаных выпадкаў заражэння. Ахвярамі віруса сталі 627 чалавек.
У Нямеччыне колькасць хворых вырасла на 4528 чалавек. Памерлі 24. Зараз краіна набліжаецца да адзнакі на 20 тысяч паводле колькасці зарэгістраваных выпадкаў заражэння.
За ўчарашні дзень Гішпанія, Нямеччына і ЗША выперадзілі Іран паводле колькасці хворых. У Іране, у сваю чаргу, на каранавірус заразіліся 19 644 чалавек, у тым ліку 1 433 загінулі (149 за мінулыя дзень) і 6 745 ачунялі.
![](https://i.c97.org/ai/370217/aux-1584779855-1.jpg)
![](https://i.c97.org/ai/370217/aux-1584779855-2.jpg)