Відэафакт: У Рэчыцы наведвальнікаў паліклінікі заблакавалі праз падазрэнне на каранавірус
10- 21.03.2020, 12:47
- 54,271
![Відэафакт: У Рэчыцы наведвальнікаў паліклінікі заблакавалі праз падазрэнне на каранавірус](https://i.c97.org/ai/369841/aux-head-1584523426-20200317_uchenia_virus_minsk_minsknews.by_360.jpg)
Жыхар горада мог захварэць у Францыі, адкуль ён нядаўна вярнуўся.
У сеціве з'явілася відэа наступнага зместу. Камера здымае медыцынскую ўстанову, пры гэтым відаць, як людзі ў белых халатах і масках абмяжоўваюць перамяшчэнне людзей, натоўпу ў калідоры і на сходах. Голас за кадрам кажа: «Глядзіце, што ў Рэчыцы адбываецца. Паліклініка раённая. Людзей не пускаюць, людзей не выпускаюць. Вось медработнікі гэтым займаюцца. Ніхто нічога не тлумачыць». На запісе відаць, як сапраўды, адна з работніц паліклінікі па ўсе тлумачэнні адпраўляе да загадчыцы.
Для атрымання афіцыйнай інфармацыі журналісты gomel.today патэлефанавалі галоўнаму лекару Рэчыцкай раённай лякарні. Аднак кіраўнік гаварыць праз тэлефон адмовіўся.
Са слоў відавочцаў, у лякарні адбылося наступнае. Сёння да лекараў звярнуўся мужчына, які нядаўна прыбыў з Францыі і адчуў недамаганне. Работнікі аховы здароўя западозрылі ў яго сімптомы Соvid 19. Пасля чаго ў медычнай установе і былі зробленыя захады для абмежавання перамяшчэння наведвальнікаў. Цяпер усіх наведвальнікаў адпусцілі.
З некаторых звестак, хворы з падазрэннем на каранавірус - шпіталізаваны.