Рэйтынг Макрона пасля звароту да нацыі вырас да максімуму за два гады
2- 21.03.2020, 13:13
- 10,476
![Рэйтынг Макрона пасля звароту да нацыі вырас да максімуму за два гады](https://i.c97.org/p/articles/ai-249131-aux-head-20170506_macron_360.jpg)
Дзякуючы захадам для стрымлівання каранавіруса ўзрос давер французаў і да кіраўнікоў МУС і Міністэрства аховы здароўя.
Рэйтынг даверу французаў да прэзідэнта Эмануэля Макрона вырас на 13% у параўнанні з мінулым месяцам пасля таго, як ён звярнуўся да нацыі праз сітуацыю з каранавірусам. Пра гэта сведчаць вынікі апытання даследчага цэнтра Harris Interactive для тэлеканала LCI, якое праводзілася з 17 да 19 сакавіка. У даследаванні ўдзельнічалі 917 чалавек, паведамляе РБК.
Цяпер Макрону давярае больш за палова французаў (52%), паводле апытання. Такім чынам ягоны рэйтынг дасягнуў самых высокіх паказчыкаў за два гады (у жніўні 2018 года яго падтрымлівалі толькі 34% французаў).
Давер да прэм'ер-міністра Францыі Эдуарду Філіпа, які таксама выступаў перад нацыяй у сувязі з каранавірусам, вырас - на 10% (агулам яго падтрымліваюць 48%). Паводле апытання, 76% рэспандэнтаў заявілі, што ўважаюць за пераканаўчы выступ, пры тым што французы часта выступаюць супраць уладаў.
Акрамя гэтага, на 26 балаў палепшыўся і рэйтынг міністра аховы здароўя Аліўе Верана. Цяпер яго падтрымліваюць 48% апытаных.
З прамовай да нацыі, прысвечанай каранавірусу, Макрон звярнуўся 16 сакавіка. Як адзначае Rfi, ягоны выступ паглядзелі рэкордныя 35 млн чалавек. Макрон заклікаў французаў захоўваць спакой, але абвясціў, што з гэтага дня ў краіне на 15 дзён дазваляюць толькі неабходныя перамяшчэнні, напрыклад для куплі лекаў або дзеля працы, калі няма магчымасці зрабіць гэта дома.