Студэнты БДУ раздалі ахоўныя маскі і заклікалі не выходзіць на вучобу
3- 21.03.2020, 14:52
- 13,620
![Студэнты БДУ раздалі ахоўныя маскі і заклікалі не выходзіць на вучобу](https://i.c97.org/ai/330618/aux-head-1555344504-20190415_studenty_bgu_360.jpg)
Народны карантын дзейнічае з 23 сакавіка.
Студэнтам, якія пражываюць у інтэрнатах на вуліцы Кастрычніцкай у Менску, раздалі ахоўныя маскі і распавялі пра народны карантын. Сімвалічную акцыю правялі навучэнцы Беларускага дзяржаўнага ўніверсітэта - актывісты грамадзянскай кампаніі «Еўрапейская Беларусь» і ініцыятывы «Еўрапейская моладзь», паведамляе прэс-служба «Еўрапейскай Беларусі».
- Раздалі блізу паўсотні масак, - сказаў адзін з удзельнікаў. - Акцыя была не гэтулькі практычная, колькі сімвалічная. Мы хацелі паказаць, што ў Беларусі ёсць сур'ёзныя праблемы з эпідэміялагічнай бяспекай і ўлады нічога не робяць, каб іх развязаць.
Безумоўна, цяпер уводзіць карантын трэба безумоўна, каб спыніць распаўсюд віруса і не ствараць пагрозы для людзей. Мы салідарныя са студэнтамі МДЛУ, якія абвясцілі пра байкот заняткаў. Упэўнены, што так павінны паступіць усе навучэнцы ў Беларусі.
Бяспека нашых блізкіх і салідарнасць павінны быць на першым месцы.
![](https://i.c97.org/gi/56385/288368-1584791534-big.jpg)
![](https://i.c97.org/gi/56385/288369-1584791535-big.jpg)
![](https://i.c97.org/gi/56385/288370-1584791535-big.jpg)
![](https://i.c97.org/gi/56385/288371-1584791536-big.jpg)
![](https://i.c97.org/gi/56385/288372-1584791536-big.jpg)
![](https://i.c97.org/gi/56385/288373-1584791537-big.jpg)