Пацыенты з Магілёва: Аддзяленні лякарні перапоўненыя, лекары кажуць пра «нейкі вірус»
14- 21.03.2020, 15:19
- 69,119
![Пацыенты з Магілёва: Аддзяленні лякарні перапоўненыя, лекары кажуць пра «нейкі вірус»](https://i.c97.org/ai/295258/aux-head-1529993750-20180626_med_t.jpg)
У абласным цэнтры ўсё вельмі сур'ёзна?
Пра сітуацыю ў Магілёве паведаміў тэлеграм-канал «Баста»:
«З Магілёва пішуць. Усё вельмі сур'ёзна:
- Знаходжуся на лячэнні ў магілёўскай лякарні. Аддзяленні перапоўненыя. Некаторыя аддзяленні ў ізаляцыі. Вялікая колькасць людзей з падазрэннем на пнеўманію, але дыягназы пацвярджаюцца не ў многіх. На пытанне да лекараў «на што я хварэю?» канкрэтнага адказу няма. Кажуць «вірус нейкі». Як у Беларусі ўстанаўліваюць носьбітаў каранавірусу - не магу зразумець. У маім выпадку для праверкі адсутнічалі нейкія рэактывы.
Аддзяленні забітыя людзьмі, жаўнерамі тэрміновай службы, псіхічна хворымі. Некаторых на днях з майго аддзялення забралі ў рэанімацыю.
Лекары не ведаюць, што рабіць і якія захады ўжываць. Дарагія грамадзяне, жартамі жартамі, але ўсё дастаткова сур'ёзна. Да таго, як трапіў у палату, сам сцябаўся наконт вірусу. Цяпер усё сур'ёзна».