Грамадскі транспарт у Кіеве спыніць пасажырскія перавозкі
11- 21.03.2020, 18:18
- 17,589
![Грамадскі транспарт у Кіеве спыніць пасажырскія перавозкі](https://i.c97.org/p/articles/ai-208347-aux-head-20160609_kiev_360.jpg)
Забарона пачне дзеянне ад заўтра.
22 сакавіка ў Кіеве грамадскі транспарт часова спыніць пасажырскія паслугі. Гэта не закране медыкаў і супрацоўнікаў харчовых крамаў. Пра гэта ў каментарах на сваёй старонцы ў Facebook паведаміў міністр унутраных справаў Украіны Арсен Авакаў, піша liga.net.
"Кіеў спыняе паcажырскія перавозкі, акрамя супрацоўнікаў экстраных службаў аптэк і харчовых крамаў. З нядзелі", – напісаў ён.
Мэр Кіева Віталь Клічко на брыфінгу пацвердзіў інфармацыю пра спыненне пасажырскіх перавозак на час карантыну, аднак удакладніў, што грамадскі транспарт перастане прапаноўваць паслугі з 23 сакавіка. Забарона не тычыцца асабістага транспарту. Таксама забарона не тычыцца медыцынскіх супрацоўнікаў, ратавальнікаў, праваахоўнікаў, спецыялістаў сферы ЖКГ, людзей, якія працуюць у прадуктовых крамах і аптэках, або на стратэгічных прадпрыемствах – яны будуць ездзіць з спецыяльным пропускам.
На стан 10-й 21 сакавіка ва Украіне пацверджаны 41 выпадак COVID-19.