За арэнду трэба будзе плаціць больш
17- 21.03.2020, 18:22
- 18,065
![За арэнду трэба будзе плаціць больш](https://i.c97.org/ai/280866/aux-head-1519628967-aux-head-1505130518-20180911_dom_t.jpg)
З першага красавіка ў Беларусі вырасце базавая арэндная велічыня.
З 1 красавіка 2019 года да 31 сакавіка 2020-га базавая арэндная велічыня складае 16,9 рубля. Такім чынам павелічэнне склала 95 капеек, пішуць naviny.by.
Базавая арэндная велічыня штогод вызначаецца Саўмінам з улікам змянення індэкса спажывецкіх коштаў за папярэдні год у дачыненні да папярэдняга і ўжываецца з 1 красавіка года, у якім вызначаная.
Базавая арэндная велічыня ўжываецца ў разліках арэнднай платы пры арэндзе плошчаў, якія знаходзяцца ў дзяржаўнай уласнасці.
Гэта датычыцца ўласнасці гаспадарчых таварыстваў, у статутных фондах якіх больш за 50% акцый (дзеляў) знаходзіцца ва ўласнасці Беларусі або яе адміністрацыйна-тэрытарыяльных адзінак, а таксама капітальных пабудоваў (будынкаў, збудаванняў), ізаляваных памяшканняў, машынамесцаў, іх частак, уключаючы капітальныя пабудовы (будынкі, збудаванні), ізаляваныя памяшканні, іх часткі на рынках і ў гандлёвых цэнтрах.