Украіна і Польшча дамовіліся пра стварэнне гуманітарнага калідора для ўкраінцаў
- 21.03.2020, 19:04
- 8,069
![Украіна і Польшча дамовіліся пра стварэнне гуманітарнага калідора для ўкраінцаў](https://i.c97.org/p/articles/2015/ai-148567-aux-head-granica_litva_360.jpg)
Пра гэта дамовіліся ўрады дзвюх краінаў.
Улады Украіны і Польшчы дамовіліся пра стварэнне гуманітарнага калідора, па якім украінцы змогуць вярнуцца на радзіму. Пра гэта ў сваім Telegram паведаміў прэм'ер-міністр Украіны Дзяніс Шмыгаль, піша gordonua.com.
"Падчас сусветнай пандэміі каранавіруснай інфекцыі ўсе краіны павінны дзейнічаць супольна і ўзгоднена. Перамовіліся праз тэлефон з прэм'ер-міністрам Польшчы Матэвушам Маравецкім пра вяртанне дадому ўкраінскіх грамадзянаў. Дамовіліся пра стварэнне так званага гуманітарнага калідора для ўкраінцаў, па якім яны змогуць ад мяжы з Нямеччынай транзітам праз Польшчу вярнуцца на радзіму", – адзначыў прэм'ер-міністр.
Ён падзякаваў уладам Польшчы за ўключэнне ўкраінскіх грамадзянаў у праграму #LOTdoDomu, дзякуючы якой украінцы, якія знаходзяцца ў іншых краінах, змогуць выкарыстоўваць рэйсы польскай авіякампаніі LOT для пералёту ў Польшчу.
"Рады, што польскія калегі пайшлі нам насустрач і гатовыя садзейнічаць у развязанні гэтага пытання. Акрамя таго пагадзіліся з спадаром Маравецкім абменьвацца досведам і практыкамі паміж краінамі ў супрацьстаянні COVID-19", – дадаў Шмыгаль.
На стан вечару 20 сакавіка ва Украіне зафіксаваны 41 выпадак захворвання на каранавірус, тры з іх – са смяротным зыходам, адзін чалавек выздаравеў. У шэрагу абласцей, дзе выяўленыя інфекцыяваныя, уведзены рэжым надзвычайнай сітуацыі.