Расейскія рэтэйлеры аспрэчылі зварот да Лукашэнкі праз дэфіцыт
43- 21.03.2020, 20:07
- 42,893
![Расейскія рэтэйлеры аспрэчылі зварот да Лукашэнкі праз дэфіцыт](https://i.c97.org/ai/370287/aux-head-1584810457-20200321_magaz_360.jpg)
Найбуйнейшыя раздробныя гандлёвыя сеткі РФ выступілі з заявай.
Прадстаўнікі расейскіх раздробных сетак не звярталіся да беларускага кіраўніка з просьбай пра пастаўкі прадуктаў харчавання праз «дэфіцыт».
Пра гэта гаворыцца ў заяве, якая паступіла ў РБК ад Асацыяцыі кампаній раздробнага гандлю (АКОРТ), што аб'ядноўвае 24 найбуйнейшыя раздробныя гандлёвыя сеткі, якія працуюць на тэрыторыі Расеі, піша gazetaby.com.
– Расейскія гандлёвыя сеткі не накіроўвалі падобных зваротаў і не адчуваюць дэфіцыту прадукцыі, – гаворыцца ў паведамленні.
Удакладняецца, што ў рэтэйлераў ёсць запасы на складах, у размеркавальных цэнтрах і крамах, якія змогуць задаволіць попыт «у любым аб'ёме».
Закупкі з Беларусі ідуць у звычайным рэжыме, адзначылі ў АКОРТ.
20 сакавіка Лукашэнка паведаміў пра просьбы з Расеі дапамагчы беларускімі прадуктамі:
– Калі расейцы закрылі мяжу, іх рэтэйлеры звярнуліся да нас: дайце прадукты харчавання, таму што ў нас пачынаецца дэфіцыт. Вядома, мы фармуем партыі і адпраўляем, і кошт ужо зусім іншы.