На «Белшыну» павесілі калгас-банкрут з Асіповіцкага раёна

Так улады «фінансава аздараўляюць» кампанію.

Да ААТ «Белшына» наважылі далучыць ААТ «Каменічы» - гаспадарку, якая знаходзіцца ў Асіповіцкім раёне.

Гэты «калгас» раней праходзіў працэдуру банкруцтва і санацыю, але ў снежні 2020-га суд спыніў вытворчасць паводле справы, якая была пачатая ў 2017 годзе, піша сайт officelife.media.

У пастанове ёсць фармулёўка:

- ...Паколькі адкрытае акцыянернае таварыства «Каменічы» ўнесенае ў пералік сельскагаспадарчых арганізацый, якія падлягаюць «фінансаваму аздараўленню», гэта цягне спыненне вытворчасці паводле справы аб эканамічнай неплацежаздольнасці (банкруцтве) на пастанову суда.

У адкрытым доступе самая свежая фінансавая справаздача ААТ «Каменічы» - за 2016 год. У ёй не пазначаная сума чыстага прыбытку, але вядома, што ў 2015 годзе было ўсяго толькі 4 тысячы рублёў.

Нагадаем, што на «Белшыне» раней змянілася кіраўніцтва. Затым у кампаніі запусцілі праграму «фінансавага аздараўлення». Для прадпрыемства 2016, 2017 і 2018 гады былі стратнымі.