У Францыі памёр лекар, які заразіўся каронавірусам

Ён быў на пенсіі, але хацеў дапамагчы.

У Францыі памёр лекар, які заразіўся каронавірусам. Пра гэта распавёў у эфіры тэлеканала LCI міністр аховы здароўя краіны Аліўе Веран. Паводле звестак газеты Le Parisien, гаворка ідзе пра 68-гадовага лекара Жан-Жаке Разафіндраназі, які працаваў у аддзяленні хуткай дапамогі, піша сайт rfi.fr.

«Мой бацька - герой. Ён працаваў лекарам у хуткай дапамозе ў горадзе Кампьень. Ён сышоў ад нас занадта рана праз каронавірус», - напісаў у Facebook сын памерлага медыка.

«Мой бацька ахвяраваў сабой, - распавёў сын Жан-Жака Разафіндраназі газеце Le Parisien. Ён быў на пенсіі і мог не выйсці на працу, але хацеў дапамагчы сваім калегам. Ён працягваў працаваць, бо любіў гэта. Праца для яго была жыццём».

Як і калі лекар заразіўся каронавірусам, невядома. Як паведамляюць журналісты са спасылкай на ўласныя крыніцы, ён працаваў з хворымі, заражанымі вірусам, яшчэ да пачатку маштабнай эпідэміі. «Меры засцярогі тады былі менш строгімі», - распавёў суразмоўца газеты Le Parisien.

Са слоў сваякоў, Разафіндраназі вярнуўся з адпачынку на Мадагаскары ў канцы лютага. Першыя сімптомы хваробы ў яго з'явіліся ў пачатку сакавіка. «Ён вельмі хутка захварэў, у яго прапаў апетыт. Наш бацька хацеў вярнуцца на працу, але быў спынены калегамі», - адзначылі яны ў каментары Le Parisien.

Раней калектыў французскіх лекараў падаў у суд на прэм'ер-міністра краіны Эдуар Філіпа і былога міністра аховы здароўя Аньес Бюзен, абвінаваціўшы іх у хлусні. На думку медыкаў, ва ўрадзе ведалі, што наступствы эпідэміі каронавіруса будуць катастрафічнымі, аднак не абаранілі ад іх супрацоўнікаў бальніц і тэрапеўтаў. У пазове лекары паскардзіліся на недахоп масак і іншых сродкаў медыцынскай абароны.