Які мінімальны заробак у Беларусі ў параўнанні з краінамі ЕЗ
8- 22.03.2020, 19:38
- 21,316
![Які мінімальны заробак у Беларусі ў параўнанні з краінамі ЕЗ](https://i.c97.org/ai/286499/aux-head-1523786171-rubli_360.jpg)
Праведзенае даследаванне.
Цяпер мінімальны заробак існуе ў 22 з 27 краін Еўразвязу. Як ён суадносіцца з беларускай мінімалкай? Пра гэта піша «Ежедневник».
Паводле справаздачы Фонду Ханса Беклера пра мінімальную аплату працы, 2020 год можа быць годам мінімальнага заробку: Еўрапейская камісія ўпершыню выступіла з ініцыятывай еўрапейскай палітыкі мінімальнага заробку. Гаворка ідзе пра падвышэнне мінімальнага заробку, яго захавання і паўсюднага ўвядзення.
Паводле даследавання, у 2020 годзе самы высокі мінімальны заробак у Люксембургу - 12,38 еўра ў гадзіну. Далей ідуць Францыя з 10,15 еўра і Нідэрланды з 10,14 еўра. Самы нізкі мінімальны заробак у ЕЗ у Балгарыі - 1,84 еўра ў гадзіну.
![](https://i.c97.org/ai/370388/aux-1584895042-1.jpg)
У даследаванні таксама прадстаўлены звесткі па 7 краінах, якія мяжуюць з ЕЗ. З іх самая высокая мінімалка ў Турцыі - 2,37 еўра і ў Сербіі - 1,98 еўра за гадзіну. Тры краіны аўтсайдэры па мінімалцы - Украіна - 0,98 еўра ў гадзіну, Расея - 0,97 еўра ў гадзіну і Малдова - 0,83 еўра ў гадзіну.
Беларусь у даследаванні адсутнічае. Аднак, улічваючы, што афіцыйная мінімалка са студзеня 2020 года складае 375 рублёў, а ў Беларусі прадугледжаны 40-гадзінны працоўны дзень, то мінімальная пагадзінная аплата працы таксама складае блізу 1 еўра. Такім чынам Беларусь паводле заробкавых паказчыкаў цалкам упісваецца ў кампанію краін-аўтсайдэраў.