Шарль Лінгле: Я ў курсе, што ў Беларусі працягваюцца хакей і футбол, па-мойму, гэта гульня з агнём
6- 22.03.2020, 21:01
- 12,329
![Шарль Лінгле: Я ў курсе, што ў Беларусі працягваюцца хакей і футбол, па-мойму, гэта гульня з агнём](https://i.c97.org/ai/269282/aux-head-1510748740-20171015_lingle-t.jpg)
Экс-гулец менскага «Дынама» вельмі здзіўлены, што ў нашай краіне працягваюцца хакейны і футбольны чэмпіянаты.
Былы хакеіст менскага «Дынама» і камандай Беларусі Шарль Лінгле два апошнія сезоны правёў у «Кардыф Дэвілс». Мінулай вясной ён стаў чэмпіёнам Вялікабрытаніі, але цяпер сезон завяршыўся датэрмінова, піша pressball.by.
Зараз Шарль Лінгле знаходзіцца ў ЗША і вельмі здзіўлены таму факту, што ў Беларусі працягваюцца хакейны і футбольны чэмпіянаты.
- У Беларусі ў хакей і футбол яшчэ гуляюць...
- Так, я ў курсе і, шчыра кажучы, гэтаму здзіўлены. Па-мойму, гэта гульня з агнём. Ва ўсім свеце не рэкамендуюць мерапрыемствы з удзелам дзесяці і больш чалавек. А хакейны матч можа сабраць аўдыторыю ў сотні і тысячы гледачоў. Але, можа, і ў Беларусі перадумаюць, калі колькасць тых, хто захварэў узрасце.
- Як думаеш, калі пандэмія каронавіруса пойдзе на спад?
- Цяжка сказаць. Адны кажуць, што праз пару месяцаў, іншыя - што праз паўгода. Можа, летам вірус аціхне, але вернецца восенню. Зараз ніхто нічога не ведае, і трэба проста берагчы сябе, - сказаў Лінгле.