У Беларусі расце колькасць тых, хто трапіў у «пенсійную пастку»

Сума такой «пенсіі» можа быць ніжэйшай за бюджэт пражытковага мінімуму.

Летась у Беларусі 72 тысячы чалавек атрымлівалі сацыяльныя пенсіі. Пра гэта паведамляе Белстат. За апошнія тры гады колькасць атрымальнікаў сацыяльных пенсій вырасла амаль на 10 тысяч, піша tut.by.

Сацыяльныя пенсіі прызначаюцца інвалідам, у тым ліку інвалідам з дзяцінства, дзецям-інвалідам, дзецям, якія страцілі карміцеля, тым, хто не мае права на працоўную пенсію. У 2018 годзе было столькі ж, колькі і у 2019 - 72 тысячы чалавек. У 2017 годзе сацыяльныя пенсіі атрымлівалі 71 тысяча чалавек, а вось ў 2016 годзе - 63 тысячы.

Сума сацыяльных пенсій прывязаная да сярэдняй велічыні бюджэту пражытковага мінімуму, якую пераглядаюць раз на квартал. Напрыклад, для інвалідаў I групы і інвалідаў з дзяцінства яна складае 110% БПМ, а для дзяцей са стратай карміцеля - 85% БПМ. Бюджэт пражытковага мінімуму цяпер роўны 239,87 рублям.

Раней у Мінпрацы распавядалі, што, са звестак на 1 студзеня 2020 года, у Беларусі налічвалася амаль 3,6 тысячы чалавек, якія атрымліваюць сацыяльную пенсію праз нястачу страхавога стажу. То бок, гэта людзі, якія трапілі ў так званую пенсійную пастку. Сацыяльную пенсію ім пачынаюць выплачваць пазней за агульнаўстаноўлены пенсійны ўзрост: з 65 гадоў для мужчын і 60 гадоў для жанчын. У гэтым выпадку сацыяльная пенсія роўная палове бюджэту пражытковага мінімуму, цяпер гэта крыху менш за 120 рублёў.