Праваслаўных хрысціянаў заклікалі ўстрымацца ад наведвання храмаў
32- 14.04.2020, 13:53
- 41,659
Вернікам рэкамендуюць заставацца дома на Вялікдзень.
«У нас адказны перыяд на гэтым тыдні, самы адказны ў царкоўным жыцці. Мы заўсёды заклікалі вас наведваць храмы, але сёння заклікаем устрымацца. Так, у храме дзейнічае ласка Святога Духа, але яна не скасоўвае законы прыроды, – паведаміў кіраўнік РПЦ у Беларусі Павел. – Паўтараючы словы найсвяцейшага патрыярха Кірыла, я заклікаю зразумець ягоную складаную пастанову», паведамляе onliner.by.
Экзарх удакладніў, што храмы зачыняцца не будуць:
– Але як бы ні было балюча – пабудзьце дома, устрымайцеся, ад гэтага будзе больш карысці. Мы перажылі значна больш доўгі багаборніцкі савецкі перыяд. Але Вялікдзень нават тады ў нас адабраць не змаглі.
Кулічы і пасхі будуць асвячацца на вуліцы за межамі памяшканняў, але звярніце ўвагу, што гэта абрад, другаснае. А зварот патрыярха адносіцца да душаў. Чалавечае жыццё нашмат даражэйшае.
Таксама кіраўнік РПЦ у Беларусі удакладніў, што з 10 красавіка і да заканчэння эпідэміі ва ўсіх храмах здзяйсняецца пэўны перазвон. У суправаджальнай малітве гаворыцца, што ў выпадку эпідэміі перазвон праганяе вірус.