Лукашэнка: ВРВІ ўжо скончылася

Дыктатар заяўляе аб патрэбе пачаць навучальны працэс з наступнага тыдня.

Пра гэта Лукашэнка заявіў сёння падчас рабочай паездкі ў Лідскі раён Гарадзенскай вобласці, піша карэспандэнт БелТА.

"Трэба акуратна глядзець за людзьмі і з нагоды адукацыі, школ і іншага, трэба пачынаць вучыцца. Але павольна, спакойна. У вёсцы няма праблем (ну і трэба ж разумець, што мы дзетак кормім, і ўсе на пасяўной, куды падзець дзяцей). І праблем там няма. ВРВІ ўжо скончыліся", - сказаў Лукашэнка.

"Таму могуць недзе займацца - хай займаюцца. Калі ў горадзе дзесьці, то тыдзень павінен сысці на павольнае залучэнне дзяцей да канца тыдня пасля Вялікадня ў адукацыйны працэс. Трэба паступова пачынаць вучыцца. А той тыдзень хто індывідуальна, хто ў школу прыйдзе... Але трэба раскручваць гэты працэс", - cказаў ён.

Нагадаем, у суседніх з Беларуссю краінах школьнікі і студэнты займаюцца дыстанцыйна.