«У рэзідэнцыях Лукашэнкі будуць дзіцячыя дамы, паліклінікі і клінікі»

Мы дачакаемся.

Пакуль ва ўсіх ахопленых пандэміяй каранавіруса краінах скасаваныя спартыўныя мерапрыемствы, у Беларусі ва ўсю працягваюцца і чэмпіянат краіны ў футболе, і хакейныя турніры.

Надоечы стала вядома пра ўспышку каранавіруса ў хакейным клубе «Нёман» з Гародні. Пра гэта стала вядома пасля таго, як фінскія хакеісты, якія вярнуліся з Беларусі дадому, здалі тэсты на COVID-19.

Дайшло да таго, што хакеіст каманды Лукашэнкі, які 11 красавіка гуляў з дыктатарам, заразіўся каранавірусам. Дыктатар, які знаходзіўся на адной пляцоўцы з Дзмітрыем Мялешкам, стаў кантактам першага ўзроўню.

Cітуацыю са спартыўнымі спаборніцтвамі ў Беларусі падчас каранавірусу каментуе для сайта Charter97.org блогер Віктар Гарбачоў:

- Лукашэнка сказаў, што «на лёдзе на пляцоўцы не лётае вірус». Вынік - ні лёд, ні гарэлка, ні лазня не ратуюць. І працягваюць гуляць, бо гэта - упартасць «на зло ворагам, на радасць людзям».

Чым больш народ у краіне піша петыцыі, скаргі, збірае подпісы з нагоды нейкай праблемы - тым менш шанцаў атрымаць станоўчы адказ ад уладаў. Усё робіцца на зло.

Пад дзвесце тысяч подпісаў сабралі за ўвядзенне карантыну. І што? 105 тысяч подпісаў 10 гадоў таму назбіралі за вуліцу імя Васіля Быкава. І почуту няма. Парк імя Чавэса ёсць, а Быкава - няма. Тое ж самае і ў спорце. Увесь свет кажа: «Спыніся», але ён толькі радуецца, што на яго звяртаюць увагу і працягвае гуляць і ў хакей, і ў футбол.

Калі старшыні федэрацыі футбола або хакея кажуць, што будуць гуляць - гэта не іх словы, а Лукашэнкі. Уся ўлада зацыкленая на адным чалавеку.

- Адзін з хакеістаў каманды Лукашэнкі заразіўся каранавірусам, Лукашэнка гуляў з ім 11 красавіка пры поўных трыбунах. Сёння ён стаў кантактам першага ўзроўню і патэнцыйна заразны.

- Мы выдатна ведаем, што калі Лукашэнка хадзіў у храм на Вялікдзень, то ўсіх людзей спачатку праверылі на каранавірус. Як бы ён не хваліўся, што яму пляваць на каранавірус, але ягонае асяроддзе правяраюць па дзесяць разоў на дзень!

Калі мне кажуць, колькі ў Беларусі было зроблена тэстаў, то я ўпэўнены, што палова з іх дасталася лукашэнкаўскім чыноўнікам і ягоным родным. Таму я не думаю, што гэты хакеіст быў хворы падчас матчу. Але народ хоча, каб Лукашэнка быў кантактам першага ўзроўню. Значыць, будзем думаць, што пакуль яго «праносіць», але часова.

- Экспэрты мяркуюць, што матч футбольнай Лігі чэмпіёнаў паміж італійскай «Аталантай» з Бэргама і гішпанскай Валенсіяй даў штуршок для масавага распаўсюджвання віруса ў Італіі і Гішпаніі. Ці можа спорт стаць каталізатарам успышкі каранавірус ў Беларусі?

- Тут нават спрачацца бессэнсоўна. Ва ўсім свеце ўжо ёсць сотні прыкладаў. Там, дзе ёсць збой людзей, можа быць успышка. Сёння камусьці пашанцавала, а «Нёману» - не. Трэба яшчэ ўлічваць, што гульцы потым былі дома, з роднымі...

25 красавіка будзе суботнік, потым людзі адправяць дзяцей у школы і нарэшце -парад, які ўсіх даб'е. Мэтанакіравана ўсё ідзе да таго, каб успышкі былі не толькі ў Менску і Віцебску, а максімальна ва ўсёй краіне. Мы за гэтым назіраем, а ўпарты чалавек працягвае казаць, што «у нас нічога няма». Лекары адзін за адным штодня паміраюць, хварэюць. Інфармацыю сапраўдную даюць толькі некаторыя СМІ. Усё вельмі сумна.

Улада не гатовая да пандэміі. Мы цяпер бачым, што беларусы самі сябе ратуюць. Хтосьці ўтрымлівае дзяцей, спрабуе на працу не хадзіць ці проста менш кантактаваць з іншымі. Чым больш чыноўнікі выступаюць на тэлевізіі, тым больш народ пачынае ратаваць сябе.

- Як вы пракаментуеце ініцыятыву футбольных ультрас не падтрымліваць каманды на стадыёнах падчас пандэміі?

- Станоўча. Гэта нармальныя і разумныя людзі, якія выдатна разумеюць, што ў гэтых суполках могуць заражаць адзін аднаго. Фанаты прынялі для сябе дакладную пастанову. Сёння ўсё адпушчана на самацёк. Калі хто-небудзь хоча маршаваць на парадзе - хай маршуе. Толькі праз 10 ці 15 дзён вынік будзе відавочны.

У той жа час валанцёры ва ўсёй краіне добраахвотна дапамагаюць лекарам. Пачынаюць дапамагаць і настаўнікам. У школы дастаўляюць і антысептыкі, і маскі. Улада не спраўляецца з гэтай праблемай, толькі паказвае на тэлевізіі прыгожыя карцінкі. Як сказала Эйсмант: «Не дачакаецеся». Цікава, хто не дачакаецца, пра што яна наогул думае? Каму гэты пасыл робіць? «Пятай ці шосты калоне»? Ворагам за межамі краіны? Беларусам? Бацькам, якія не пусцілі дзяцей у школы?

Мы не проста дачакаемся, а ўсё ўбачым, даведаемся і зразумеем. Чым больш яны «крумкаюць», тым хутчэй усё гэта адбудзецца. Мы яшчэ патанчым і шампанскае адкаркуем. Няхай яна за сябе перажывае, за свае дамы ў Драздах. Дачакаемся. У вашых фазэндах і рэзідэнцыях Лукашэнкі будуць дзіцячыя дамы, паліклінікі, лякарні. Хусейн таксама думаў, што «не дачакаецца». Усё нармальна, дачакаўся народ.

Самі ж футбалісты беларускіх клубаў, асабліва, замежнікі, не разумеюць, што адбываецца. Ва ўсім свеце такая сітуацыя, а ў нас працягваецца чэмпіянат. Яны баяцца сказаць лішняга, бо ў іх кантракт. Зноў жа, гэта да пары да часу, пакуль у нейкім клубе не пойдзе заражэнне.

Вінаватых заўсёды знойдуць. Лукашэнка ўжо для гэтага падрыхтаваў Караніка і ўсё Міністэрства аховы здароўя, які кажа, што ўсё ў краіне нармальна. Менавіта яны будуць адказваць і сядзець за тое, што адбудуцца нейкія праблемы. Потым ужо Лукашэнка разам з Эйсмант перад народам адкажуць, калі мы дачакаемся.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com