Экспэртка назвала сімптом каранавірусу, які сустракаецца ў дзяцей часцей за ўсё
- 16.05.2020, 18:59
- 17,929
Сёння ўсё часцей гавораць аб небяспецы COVID-19 для дзяцей.
Сярод сімптомаў каранавіруснай інфекцыі, якія найбольш часта сустракаюцца ў дзяцей, - дыярэя, расказала кіраўніца аддзела клінічных даследаванняў ЦНДІ эпідэміялогіі Расспажыўнагляду Таццяна Ружанцова, паведамляе ТАСС.
«У дзяцей інфікаванне каранавірусам часцей, чым у дарослых, не суправаджаецца з'яўленнем якіх-небудзь сімптомаў. Большасць хворых дзяцей пераносяць каранавірусную інфекцыю ў лёгкай форме з невялікім павышэннем тэмпературы цела, козытам або дыскамфортам у горле, памяркоўным сухім кашлем, стратай нюху <...>. Дыярэя з'яўляецца адным з сімптомаў каранавіруснай інфекцыі, адзначаецца не ва ўсіх пацыентаў, сярод хворых дзяцей назіраецца досыць часта», - сказала яна.
Апошнім часам у ЗША і краінах Еўропы ў дзяцей з рэгіёнаў, ахопленых пандэміяй каранавірусу, фіксуюць востры запаленчы сіндром, падобны да сіндрому Кавасакі. Навукоўцы мяркуюць, што сіндром можа быць звязаны з COVID-19, але падкрэсліваюць, што ён сустракаецца досыць рэдка. На іхнюю думку, верагодна, што захворванне становіцца вынікам празмернай імуннай рэакцыі на інфекцыю. Вядома пра смяротныя выпадкі.