Спіс памяці

Беларускія медыкі, якія памерлі падчас эпідэміі COVID-19.

Сотні беларускіх лекараў заразіліся COVID-19, шмат каму быў пастаўлены дыягназ пнеўманія. Сярод іх ёсць памерлыя. Журналісты збіралі гісторыі пра лекараў, медработнікаў і медсясцёр, якія загінулі сёлета пры выратаванні беларусаў ад новай для чалавецтва хваробы, паведамляе «Радыё Свабода».

Святлана Кісялёва. 47 гадоў, медсястра гарадской клінічнай лякарні №1, г.Віцебск. Памерла 3 красавіка 2020 года

3 красавіка стала вядома пра першую ахвяру каранавіруса сярод лекараў. Афіцыйна Святлана Кісялёва памерла ад пнеўманіі. Лякарня, дзе працавала медсястрой, была з сярэдзіны сакавіка перапрафіліраваная для прыёму пацыентаў з вострай рэспіратарнай віруснай інфекцыяй. Але ў той час лекарам не выдавалі сродкаў абароны. Толькі 15 грам спірту на дзень для дэзінфекцыі рук. Анастасія Кісялёва, дачка медсястры, распавяла, маці думала, што заразілася на працы.

«Мая мама вельмі любіла медыцыну і сваю справу. Яна ўсё жыццё прапрацавала ў адной лякарні, але дзяржава не паклапацілася аб лекарах у цяжкай сітуацыі. Медык памёр. Мая 7-гадовая сястра засталася без мамы», - сказала Анастасія.

Наталля Літвянкова. 57 гадоў, дэзінфектарка ў санітарна-эпідэміялагічнай службе, Бешанковічы. Памерла 5 красавіка 2020 года.

2 красавіка ў Наталлі Літвянковай выявілі пнеўманію і паклалі яе ў рэанімацыю. Ужо 5 красавіка яна памерла.

«Кажуць, што ў пасведчанні аб смерці стаіць проста «пнеўманія», - распавёў сваяк. - Але патолагаанатам сказаў нам, што рабілі тэст на каранавірус, ён быў станоўчы».

Васіль Ліпінін, 50 гадоў, фельчар хуткай дапамогі, Барысаў. Памёр 8 красавіка 2020 года

Фельчар Васіль Ліпінін 27 гадоў адпрацаваў на машыне хуткай дапамогі ў Барысаве. Ён ніколі не скардзіўся на хваробы і ніколі не звяртаўся да лекараў. Лекар захварэў 26 сакавіка, калі ў Беларусі было афіцыйна пацверджана 86 выпадкаў каранавірусу.

«Ён напісаў сваёй сястры: «Я думаю, што ў мяне ёсць «гэта», бо назіраю падобныя сімптомы». Апошняя размова была звычайнай, нічога асаблівага. Ён не думаў, што памрэ. І мы не думалі, пакуль не стала зусім дрэнна».

Так узгадвае апошнія дні жыцця свайго бацькі Данііл Ліпінін. У лякарні медыку зрабілі тры тэсты на каранавірус. Першы быў адмоўным. Два іншыя - станоўчымі. У пасведчанні аб смерці таксама напісана, што прычынай смерці была двухбаковая пнеўманія і каранавірус.

Аксана Радкевіч, 45 гадоў, медсястра дзіцячага аддзялення, Докшыцы. Памерла 21 красавіка 2020 года

Аксана працавала ў адным з эпіцэнтраў каранавіруса ў Беларусі. У сямітысячных Докшыцах уся лякарня была перапрафіляваная пад прыём пацыентаў з пнеўманіяй і каранавірусам.

Аксана працавала ў дзіцячай кансультацыі Докшыцкай раённай лякарні. У яе была пнеўманія, і апошнія некалькі дзён яна ляжала на ШВЛ.

«Учора нас пакінула многімі любімая медсястра. Асабіста для маіх дзяцей яна была другой мамай. Яна ніколі не адмаўляла ў дапамозе, заўсёды давала парады. Гэта быў медык з вялікай літары», - такі спачувальны пост з'явіўся ў «ВКонтакте», у групе «Докшыцы LIVE».

Наталля Шматко, 56 гадоў, медсястра хуткай медыцынскай дапамогі, Менск. Памерла 20 красавіка 2020 года

Наталля 38 гадоў адпрацавала ў шпіталі хуткай дапамогі ў Менску. Пасля апошняга дзяжурства 10 красавіка ў яе пачаўся кашаль, паднялася тэмпература, распавёў яе сын. З ягоных слоў, у маці быў знойдзены каранавірус. Яна была пахаваная ў закрытым труне.

Са слоў Вадзіма, ягоная мама вельмі любіла сваю працу і жыла ёю. Яна пайшла працаваць у хуткую дапамогу адразу пасля вучобы і засталася там на ўсё жыццё. Працавала практычна ва ўсіх аддзяленнях, апошнім часам у стаматалагічным.

«Усе курсы кваліфікацыі здавала заўсёды на «выдатна»... Чалавек проста жыў сваёй працай. Ветэран працы, Заслужаны работнік хуткай медыцынскай дапамогі. Мой дзядуля быў фельчарам, таму яна і пайшла ў яго - у нашай сям'і больш няма лекараў. Але мы з братам і татам ніколі не хадзілі ў лякарню - нас заўсёды лячыла мама».

Надзея Фаміна, 41 год, медсястра абласной клінічнай бальніцы, Віцебск. Памерла 16 красавіка 2020 года

Надзея Фаміна працавала медсястрой у аддзяленні мікрахірургіі вока абласной клінічнай лякарні.

«Захварэла яна даўно - яшчэ ў сакавіку. Паўтары тыдня была на ШВЛ. У лякарні хуткай дапамогі ў яе два разы бралі мазкі на каранавірус. Вынік станоўчы», - сказалі калегі медсястры.

Галіна Навічкова, 45 гадоў, медсястра хуткай дапамогі, Буда-Кашалёва. Памерла 20 красавіка 2020 года

У Буда-Кашалёве - асяродак каранавіруса. На невялікі райцэнтр каля Гомеля больш за 70 пацверджаных выпадкаў COVID-19. Лекары таксама хварэюць. Галіна стала першым медработнікам, які памёр ад каранавіруса. Калегі мяркуюць, што інфекцыю яна падчапіла ў лякарні.

«Галя лячылася ў тэрапіі, - сказалі калегі медсястры. - У яе былі праблемы з ціскам і сэрцам. Затым яна была выпісаная. Каранавірус выявілі ў тэрапіі, і ўсіх пацыентаў хутка выпісалі. Магчыма, менавіта ў тэрапіі Галя заразілася каранавірусам. Яна выйшла на змену, і ёй стала дрэнна. Спачатку яе паклалі ў нашу лякарню, затым перавезлі ў Гомель. Галя была на ШВЛ. Яна памерла ў панядзелак. 22 красавіка прайшло пахаванне. У закрытайм труне».

Алена Пашко, 54 гады, лекарка паліклінікі № 3, Баранавічы. Памерла 28 красавіка 2020 года

Алена працавала ў паліклініцы з 2001 года. Яна захварэла на запаленне лёгкіх і знаходзілася на лячэнні ў гарадской лякарні №2 у Баранавічах.

«Яшчэ ў суботу (18.04) яна выйшла на працу, каб замяніць сваю калегу, бо тая да гэтага моманту знаходзілася ў шпіталі з пнеўманіяй і станоўчым тэстам на каранавірус», - распавёў сын памерлай Павел Пашко.

Алена Пашко лячылася дома тыдзень, але хвароба не праходзіла. Ёй не стала лепш, апошнія тры дні яна правяла ў лякарні. Лекарка памерла ад двухбаковай пнеўманіі. Пазней сын паведаміў, што ў жанчыны быў станоўчы тэст на каранавірус.

«Яна была вельмі спагадлівым, адданым і працавітым чалавекам. Яна ніколі не адмаўлялася дапамагаць сваім пацыентам, - кажа Павел Пашко. - Вельмі дрэнна, што лекары ў нашай краіне з самага пачатку не былі забяспечаныя адэкватнай аховай. Спачатку мая мама працавала ў інфекцыйным аддзяленні толькі ў медыцынскай масцы, без рэспіратараў і ахоўных акуляраў. Я ведаю, што тэрапеўты нядаўна атрымалі ахоўныя касцюмы, але, мабыць, было занадта позна»

Са слоў сына, Алена Пашко заўсёды «лёгка пераносіла ВРВІ і грып», «але сітуацыя з каранавірусам развівалася настолькі хутка, што мы не паспелі прыйсці ў сябе і былі ў поўным шоку».

Ганна С., 61 год, медсястра Менскага гарадскога клінічнага скурна-венералагічнага дыспансера, Менск. Памерла 25 красавіка 2020 года

Ганна памерла ад пнеўманіі. У яе таксама быў каранавірус.

«У нашым аддзяленні ўсе ляжаць з COVID-19. Пакуль што ўсе спакойныя. Медыцынскіх работнікаў дастаткова. Ёсць хворыя, але пакуль гэта першы такі выпадак», - кажуць яе калегі.

Ганна С. была прафесіяналам сваёй справы, добрым і чулым чалавекам, гаворыцца ў некралогу ад імя супрацоўнікаў гарадскога клінічнага скурна-венералагічнага дыспансера.

Леанід Савіч, 54 гады, рэнтгенолаг цэнтральнай раённай лякарні Любані. Памёр 30 красавіка 2020 года

У Леаніда Савіча пацвердзіўся COVID-19. Пра гэта распавяла галоўная лекарка Любанскай лякарні Антаніна Голуб.

Пастар Любанскай рэлігійнай абшчыны «Царква хрысціян евангельскай веры» Павел Палазнік распавёў пра Леаніда Савіча.

«Мы былі знаёмыя даўно, 20 гадоў, - кажа Палазнік. - Ён працаваў у лякарні ўсе гэтыя гады. Спачатку тэрапеўтам, затым прайшоў перападрыхтоўку і стаў рэнтгенолагам. Леанід працаваў вельмі старанна. Яго вельмі любілі ў паліклініцы, паважалі ў камандзе. Вельмі пазітыўны чалавек. Быў на ганаровай дошцы ў райвыканкаме. Гэта незаменная страта»

Ілля Лемяза, 56 гадоў, лекар УГД у Менскім медыцынскім цэнтры «Тамаграфія», Фаніпаль. Памёр 28 красавіка 2020 года

Аб смерці доктара паведамілі ягоныя калегі. У гісторыі хваробы Іллі Лемязы, са слоў калег, указаная «неўдакладненая пнеўманія». Рэкамендуецца пахаваць нябожчыка ў закрытай труне.

А характарызуюць яго як прыязнага чалавека і спецыяліста высокага класа.

Вадзім М., 36 гадоў, інжынер-праграміст цэнтральнай раённай лякарні, Буда-Кашалёва. Памёр 1 траўня 2020 года

Са слоў сваякоў, у яго была двухбаковая пнеўманія і пацверджаны каранавірус. Гэтую інфармацыю пацвердзілі калегі загінулага.

23 красавіка Вадзіма перавезлі ў крытычным стане з лякарні Буда-Кашалёва ў Гомель, адкуль ён родам. У Гомельскай лякарні ён ляжаў пад ШВЛ.

Вадзім не быў жанаты, ён жыў у інтэрнаце для лекараў у Буда-Кашалёве. У яго засталіся бацькі і брат у Гомелі.

Аляксей, 37 гадоў, фельчар 6-й падстанцыі хуткай дапамогі, Менск. Памёр 5 траўня 2020 года

Інфармацыю пра смерць медыка пацвердзілі на станцыі хуткай дапамогі. У Аляксея засталіся жонка і дзеці.

«Аляксей быў на бальнічным. Ён быў вельмі пазітыўным чалавекам, вельмі добрым спецыялістам, фельчарам вышэйшай катэгорыі. Ён прыйшоў да нас пасля заканчэння Менскага вучылішча. У яго засталіся жонка і дзеці», - паведамілі ва ўправе Менскай станцыі хуткай дапамогі.

У памерлага была пнеўманія і COVID-19.

Вікторыя З., 40 гадоў, медсястра абласнога супрацьтуберкулёзнага дыспансера, Лагойскі раён. Памерла 5 траўня 2020 года

Вікторыя З. памерла ў салігорскай цэнтральнай раённай лякарні. Яе калегі па працы распавялі, што ўчора даведаліся, што Вікторыя знікла. Кажуць, у яе быў станоўчы тэст на каранавірус.

«З пятніцы ў яе трымалася тэмпература да 40. У нядзелю яна была дастаўленая ў аддзяленне інтэнсіўнай тэрапіі, у лякарні сказалі: «Стан крытычны», - распавялі калегі.

Наталля, 54 гады, медсястра цэнтра карэкцыйна-развіваючага навучання, Пінск. Памерла 19 траўня 2020 года

У Наталлі была двухбаковая пнеўманія, а таксама пацверджаны каранавірус.

Медсястра была ў цяжкім стане, яна знаходзілася на ШВЛ. Пінскія лекары збіраліся адвезці яе ў Менск на лячэнне. Але ў тым стане, у якім знаходзілася Наталля, яе транспартаванне было немагчымае.

- Мама адпакутавала... - сказала яе дачка Кацярына. - У мяне было такое дрэннае прадчуванне раніцай. І на тэлефоне прапушчаныя. Я ператэлефанавала. Сказалі, рэанімацыя.

Таццяна Кавалёнак, 60 гадоў, медсястра Цэнтральнай раённай лякарні, Барысаў. Памерла 16 траўня 2020 года

У Таццяны быў станоўчы тэст на каранавірус, але ў пасведчанні аб смерці паказалі толькі «двухбаковую пнеўманію, сардэчную і лёгачную недастатковасць», - распавяла дачка загінулай Ганна.

Таццяна Кавалёнак 40 гадоў прапрацавала ў цэнтральнай раённай лякарні г. Барысава, працавала медсястрой у хірургічным аддзяленні.

Захварэла на пачатку траўня, праз некалькі дзён тэмпература паднялася вышэй за 38 градусаў, зрабілі кампутарную тамаграфію - двухбаковая пнеўманія. Таццяну паклалі ў шпіталь, зрабілі тэст на каранавірус, вынік тэсту прыйшоў толькі 12 траўня - станоўчы. 9 траўня Таццяне стала горш, яе перавялі ў рэанімацыю. 16 траўня жанчына памерла.

Спіс абнаўляецца.