Ва Украіне завочна арыштавалі экс-міністра абароны

Вырак суда дае права боку абвінавачвання пачаць у дачыненні да яго працэдуру экстрадыцыі.

Пячэрскі раённы суд Кіева завочна ўзяў пад варту былога міністра абароны Украіны Паўла Лебедзева паводле справы аб расстрэлах на Майдане 18-20 лютага 2014 года.

Аб гэтым паведамляецца на сайце Офіса генеральнага пракурора, піша unian.net.

Адпаведная пастанова была прынятая 25 траўня аб фактах арганізацыі шэрагу цяжкіх і асабліва цяжкіх гвалтоўных злачынстваў, у тым ліку наўмысных забойстваў, учыненых у перыяд з 18 лютага да 20 лютага 2014 года ў цэнтральнай частцы Кіева.

«Абраная мера суда дае права боку абвінавачвання пачаць у дачыненні да былога міністра абароны Украіны працэдуру экстрадыцыі. Таксама пракуроры будуць звяртацца ў суд па дазвол на ажыццяўленне спецыяльнага дасудовага расследавання (in absentia)», - гаворыцца ў паведамленні.

У пракуратуры нагадалі, што ў гэтай крымінальнай справе расследуюцца абставіны арганізацыі былым прэзідэнтам Украіны Віктарам Януковічам перавышэння ўлады і службовых паўнамоцтваў работнікамі праваахоўных органаў, перавышэння ўлады шэрагам былых высокапастаўленых службовых асоб з мэтай перашкоды правядзенню сходаў, мітынгаў, шэсцяў і дэманстрацый, што прывяло да масавых ахвяраў сярод мітынгоўцаў, гэта значыць, да наступу цяжкіх наступстваў, у тым ліку, наўмысных забойстваў і замахаў на наўмысныя забойствы (прычыненне цялесных пашкоджанняў, звязаных з ужываннем работнікамі праваахоўных органаў агнястрэльнай зброі) удзельнікаў масавых акцый пратэсту ў цэнтральнай частцы г. Кіева і тэрарыстычнага акту.