МЗС Нямеччыны робіць больш жорсткім тон у дачыненнях з Расеяй

Урад ФРГ мае намер упершыню скарыстацца новым санкцыйным механізмам Еўразвязу.

Расея, імаверна, стаіць за хакерскай атакай на бундэстаг у 2015 годзе. Паводле інфармацыі Der Spiegel, (пераклад - inopressa.ru), урад ФРГ мае намер упершыню скарыстацца новым санкцыйным механізмам Еўразвязу.

Міністэрства замежных спраў запрасіла на размову расейскага пасла Сяргея Нячаева, - піша выданне. - Статс-сакратар Мігель Бергер «катэгарычна асудзіў» хакерскую атаку, паведаміла міністэрства. З ягоных слоў, ёсць «неаспрэчныя довады» таго, што галоўны падазраваны ў справе «на момант атакі быў членам службы вайсковай выведкі ГРУ.

Меркаваным закулісным выканаўцам кібератакі з'яўляецца грамадзянін Расеі Дзмітрый Бадзін. Як паведамляў Der Spiegel у пачатку траўня, генеральная пракуратура дабілася выдачы ордэра на арышт Бадзіна. Гэта было абгрунтаваным падазрэннем у тым, што «абвінавачаны, дзейнічаючы супольна з іншымі асобамі, імёны якіх пакуль невядомыя, ажыццяўляў у інтарэсах спецслужбы іншай дзяржавы агентурную дзейнасць у дачыненні да Федэратыўнай Рэспублікі Германіі.

Расейскаму паслу паведамілі, што «ўрад ФРГ выступіць у Брусэлі за выкарыстанне ў дачыненні да асоб, адказных за атаку на нямецкі бундэстаг, у тым ліку спадара Бадзіна, санкцыйнага рэжыму Еўразвязу супраць кібератакі, паведаміла міністэрства замежных спраў.

Урад ФРГ разглядае гэтую справу таксама ў сувязі з забойствам у Тыргартэне і «безумоўна пакідае за сабой права выкарыстання іншых захадаў.

Паводле інфармацыі Der Spiegel, гэта першы выпадак, калі дзяржава ЕЗ выкарыстае распрацаваны летась механізм увядзення санкцый за кібератакі. Ён мяркуе, што нападу прыпісваюцца «істотныя наступствы». Нароўні з Бадзіным гаворка ідзе пра хакерскую групоўку Fancy Bear і некалькіх іншых арганізацый, якія ўдзельнічалі ў хакерскай атацы на бундэстаг. Механізм увядзення санкцый дазваляе замарожваць актывы і ўводзіць абмежаванні на ўезд у дачыненні да асобаў і арганізацый, паведаміла МЗС ФРГ.

У міністэрстве гэты крок уважаюць за палітычны сігнал на адрас Масквы, якія азначаюць, што ёй дазволена не ўсё. Для ўвядзення санкцый неабходная аднагалосная пастанова Рады ЕЗ, пакуль супраціву не назіраецца.

Расейскі амбасадар павёў сябе падчас размовы ў МЗС недастаткова разважліва і паўтарыў аргументы аб адсутнасці довадаў аб хакерскай атацы і ўдзеле ў ёй Расеі. Наяўнасць ордэра на арышт і прадстаўленых для яго довазаў ён пад увагу не прыняў.

Спікер фракцыі СДПГ у замежнапалітычных пытаннях Нільс Шмід ухваліў дзеянні федэральнага ўрада. «Гэтая сур'ёзная атака на сэрцы нашай парламенцкай дэмакратыі не можа застацца без наступстваў», - заявіў ён.

Намеснік старшыні фракцыі ХДС/ХСС Ёхан Вадэпуль абвінаваціў Расею ў «дэструктыўнай палітыцы», якая зусім не абмяжоўваецца кібератакамі. Расея выкарыстоўвае цяжкую сітуацыю з каранакрызісам, «каб распаўсюджваць ілжывую інфармацыю і раскалоць Еўразвяз», сказаў ён у размове з выданнем Der Tagesspiegel. Урад у Маскве можа «зноў стаць надзейным партнёрам, толькі калі ён спыніць стала парушаць суверэнітэт і міжнароднае права», заявіў палітык.