Кошт золата перавысіў $1800 упершыню за 8 гадоў

Рынак каштоўных металаў перажывае рэнесанс.

Кошт тройскай унцыі на Нью-Йоркскай біржы Сomex прадаўжае абнаўляць максімумы і ў аўторак упершыню з 2011 года перавысіў 1800 даляраў, піша finanz.ru.

Ф'ючэрсы на жнівень прадаваліся па 1.803,95 даляра, якія даражэлі ўвесь час на 1,5%, перш чым адступіць да адзнакі 1798,10 на закрыцці таргоў.

З пачатку года золата вырасла ў кошце на 18,3% і стала «адным з нешматлікіх актываў, які застаўся ў плюсе» ва ўмовах пандэміі, канстатуе партфельны кіраўнік GraniteShares Джэф Клерман.

За апошнія 12 месяцаў, што прадаўжаецца ралі, каштоўныя металы падаражэлі на 43%, і «прычын, каб кошты зменшыліся, у найбліжэйшай будучыні не прадбачыцца», адзначае ён: «Нявызначанасць наступстваў каранавіруса для амерыканскай і глабальнай эканомікі, валацільнасць фондавых рынкаў, будучыя прэзідэнцкія выбары, беспарадкі ў ЗША, глабальныя гандлёвыя спрэчкі, а таксама працяг грашовага напампоўвання сусветных ЦБ - усё гэта забяспечвае моцную падтрымку коштаў».

Падзенне прамысловага і ювелірнага попыту з лішкам кампенсуюць біржавыя фонды, найбуйнейшы з якіх - амерыканскі SPDR Gold Shares - на 26 чэрвеня валодаў запасамі 1 178 тон, супастаўным з залатымі рэзервамі цэнтрабанку Швайцарыі (1 040 тон).

Атрымаўшы ад інвестараў 39,1 млрд даляраў, біржавыя фонды набылі з пачатку года 727,1 тону фізічнага золата і нарасцілі запасы на 19,3%, да 3613 тон, абагнаўшы ў аб'ёме зліткаў Нямеччыну - другога на планеце ўладальніка каштоўнага металу (3 363 тоны).

Галоўнай сілай, якая прымушае гусці «залатых жукоў», застаецца друкаваны станок ФРС, з-пад якога з пачатку года выйшлі 3 трыльёна даляраў чыстай грашовай эмісіі. Найбліжэйшым часам гэтыя ўліванні будуць прадаўжацца, бо надрукаванага аб'ёму відавочна недастаткова, каб аплаціць увесь дэфіцыт бюджэту ЗША, кажа Скот Майнерд, інвестыцыйны дырэктар Guggenheim Investments.

«Улічваючы патрэбы ўрада ў фінансаванні, я чакаю, што наступная праграма QE будзе большай за ўсе папярэднія раунды QE з пункту гледжання штомесячных пакупак. Могуць спатрэбіцца куплі актываў яшчэ як мінімум на 2 трыльёны даляраў за год толькі для таго, каб прафінансаваць Міністэрства фінансаў», кажа ён.

У 2021 годзе кошт золата дасягне 2000 даляраў за унцыю, прагназуе Сiti. Такі ж прагноз на «сярэднетэрміновую перспектыву» дае Goldman Sachs.

Золата застаецца гарантам абароны ад павелічэння грашовай масы, пішуць аналітыкі Райффайзенбанка. У адрозненне ад рынку акцый ва ўмовах няпэўных перспектыў золата застаецца адным з найлепшых актываў, якія атрымліваюць наўпроставы выйгрыш ад росту даляравай грашовай масы і абарону ад эканамічных рызык, адзначаюць у банку.