Еўропа - самы перспектыўны рэгіён свету для стартапаў
1- 16.07.2020, 10:37
- 10,718
У ЕЗ у лідэрах Хельсінкі.
Еўропа стала тым рэгіёнам свету, дзе засяроджана больш за ўсё перспектыўных гарадоў для развіцця стартапаў. Да такіх высноў прыйшлі спецыялісты кампаніі Startup Genome, якая спецыялізуецца на вывучэнні стартапаў і ўмоў іх развіцця, піша «Еўрапульс».
Са 100 самых перспектыўных гарадоў з пункту гледжання развіцця стартапаў 38 знаходзяцца ў Еўропе. Следам ідзе Паўночная Амерыка з 32 спрыяльнымі для стартапов гарадамі, на трэцім месцы - Азіяцка-Ціхаакіянскі рэгіён з 22 гарадамі.
У ЕЗ лідарам сталі Хельсінкі. У сусветным рэйтынгу яны занялі 4-е месца пасля індыйскага Мумбаі, інданэзійскай Джакарты і швайцарскага Цюрыха.
Фінляндыя сапраўды актыўна залучае таленавітых людзей, якія гатовыя адкрыць свой высокатэхналагічны бізнэс. Напрыклад, у 2018 годзе яна абвясціла аб стварэнні спецыяльнай стартап-візы, з якой прадпрымальнікі могуць атрымаць дазвол на жыхарства.
У першую дзясятку рэйтынгу з гарадоў ЕЗ таксама ўвайшлі Мадрыд і Барсэлона - яны падзялілі 6-е месца. Расея ў рэйтынгу прадстаўленая Масквой на 20-м месцы.
Гарады ацэньваліся паводле 4 крытэраў: развіццё стартапаў, залучэнне інвестыцый, ахоп рынкаў прадукцыяй стартапаў і дзель высокаадукаваных людзей, якія працуюць у стартапах. У рэйтынг увайшлі 100 гарадоў свету, у якіх ёсць вялікі патэнцыял для таго, каб стаць цэнтрамі стартапаў.