Габрыэлюс Ландсбергіс: Парушальнікаў правоў чалавека ў Літве не чакаюць

Літоўскія палітыкі просяць пачаць працэдуру выяўлення асоб, адказных за парушэнні правоў чалавека ў Беларусі.

Старшыня парламенцкай фракцыі «Саюза айчыны - Хрысціянскіх дэмакратаў Літвы» Габрыэлюс Ландсбергіс і старшыня камітэта Сейма ў еўрапейскіх справах Гедымінас Кіркілас звярнуліся да кіраўнікоў МЗС і МУС Літвы з просьбай пачаць працэдуры выяўлення асоб, адказных за парушэнні правоў чалавека ў Беларусі падчас прэзідэнцкай кампаніі 2020-га, паведамляе карэспандэнт Charter97.org з Вільні.

Палітыкі заявілі, што пакажуць зразумелую пазіцыю народу Беларусі і міжнароднай супольнасці пры дапамозе канкрэтных дзеянняў. «Расце колькасць затрыманняў, крымінальнага і адміністрацыйнага пераследу, запалохвання, абмежавання свабоды сходаў і выказвання меркаванняў, а таксама доступу беларускага народа да аб'ектыўнай і незалежнай інфармацыі. Мы павінны выразна і недвухсэнсоўна паказаць: парушальнікаў правоў чалавека ў Літве не чакаюць», - заявіў Габрыэлюс Ландсбергіс.

У лістападзе 2017 года літоўскі парламент прыняў закон Магніцкага, пашырыў падставы для забароны ўезду замежнікаў у краіну. Паводле закона, уезд асоб, адказных за сур'ёзныя парушэнні правоў чалавека, можа быць абмежаваны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com