NASA паспяхова запусціла ракету з марсахода
4- 30.07.2020, 18:55
- 17,919
Планетаход дасягне Марса ў 2021 годзе.
У чацвер, 30 ліпеня, адбыўся паспяховы запуск цяжкай ракеты Atlas V 541 з марсахода на борце. Запуск ракеты адбыўся ў рамках праекта Mars 2020 Rover Mission.
Пра гэта паведамляе РБК са спасылкай на трансляцыю амерыканскага касмічнага агенцтва NASA.
Ракета, якая павінна даставіць на Марс планетаход Perseverance з кіраваным дронам-выведчыкам, стартавала з мыса Канаверал. Марсаход шукацьме довады жыцця на «чырвонай планеце» і збірацьме ўзоры грунту для адпраўкі на Зямлю ў 2031 годзе.
LIVE NOW: The #CountdownToMars begins.
— NASA (@NASA) July 30, 2020
We are launching a historic mission to the Red Planet. Tune in to watch @NASAPersevere liftoff and begin her mission to search for signs of ancient life on another world: https://t.co/JxyRCol01i
Чакаецца, што планетаход прыбудзе на Марс прыкладна 18 лютага 2021 года. Пасля высадкі на планету, марсаход амаль 2 гады працавацьме непадалёк ад кратэра Джэзэра.
Адзначым, гэта ўжо трэцяя місія на Марс, якую запусцілі сёлета.