На беларускай мяжы выявілі фуру, у якой быў 21 мільён цыгарэт

Грузавік заязджаў праз пункт пропуску «Грыгораўшчына».

Амаль 21 млн цыгарэт сербскага вытворчасці без якіх-небудзь акцызных марак меў намер перавезці расейскі перавозчык з Латвіі ў Беларусь з несапраўднымі дакументамі. Грузавік DAF, у якім знаходзілася тытунёвая прадукцыя, заязджаў праз пункт пропуску «Грыгораўшчына», паведамляюць мытнікі.

- Паводле пададзеных фірмай-перавозчыкам дакументаў, тавар накіроўваўся ад фірмы, зарэгістраванай у Вугоршчыне, на адрас атрымальніка, які знаходзіцца ва Украіне. Нехарактэрны маршрут з Вугоршчыну ў Латвію, далей праз тэрыторыю Беларусі і Расеі ва Украіну, заяўлены ў дакументах, выклікаў сумневы ў мытнікаў: гэтую пастаўку лагічней і танней было б ажыццявіць праз вугорска-ўкраінскую мяжу, - гаворыцца ў паведамленні.

Пазней стала вядома, што ўкраінскі атрымальнік не мае ніякага дачынення да гэтай партыі цыгарэт, а таксама не ўкладаў ніякіх кантрактаў з іх адпраўніком.

- Адсутнасць інфармацыі аб рэальным атрымальніку цыгарэт, нехарактэрны маршрут руху транспартнага сродку сведчаць аб арганізацыі незаконнай схемы ўвозу з мэтай далейшага ўцягвання тавараў у незаконнае абарачэнне на тэрыторыі Расейскай Федэрацыі. Буйная партыя тытунёвай прадукцыі коштам амаль $230 000 канфіскаваная і размешчана ў зоне мытнага кантролю ведамаснага пункта мытнага афармлення.

Віцебскай мытняй рапачаты адміністрацыйны працэс у адпаведнасці з ч. 3 арт. 14.5 КоАП Рэспублікі Беларусь. Праводзяцца далейшыя праверачныя мерапрыемствы.