«Бацькаўшчына» назвала свайго кандыдата на пасаду мэра Кіева

На апошніх прэзідэнцкіх выбарах палітык быў даверанай асобай кандыдаткі Юліі Цімашэнкі.

Усеўкраінскае аб'яднанне «Бацькаўшчына» вылучае кандыдатам на пасаду гарадскога галавы Кіева народнага дэпутата Аляксея Кучарэнку.

Пра гэта лідарка палітсілы Юлія Цімашэнка паведаміла падчас брыфінгу ў суботу, 8 жніўня, піша nv.ua.

Аляксей Кучарэнка нарадзіўся 3 красавіка 1961 у Вінніцы. Скончыў факультэт кібернетыкі Кіеўскага дзяржаўнага ўніверсітэта імя Тараса Шаўчэнкі ў кірунку прыкладная матэматыка і Акадэмію дзяржаўнага кіравання пры прэзідэнту Украіны. З'яўляецца кандыдатам сацыялагічных навук і акадэмікам Украінскай муніцыпальнай акадэміі.

У 2000 годзе заснаваў і ўзначаліў Інстытут сацыяльна-эканамічных даследаванняў, з таго ж года – сустаршыня Усеўкраінскай арганізацыі мясцовага і рэгіянальнага развіцця Міжрэгіянальны звяз. Быў прэзідэнтам Асацыяцыі спажыўцоў паслуг манаполій – Антыманапольны звяз, а з 2003 года – віцэ-прэзідэнтам Украінскага звязу прамыслоўцаў і прадпрымальнікаў у пытаннях прамысловасці.

Працаваў таксама, сярод іншага, малодшым навуковым супрацоўнікам і стажорам даследнікам у Інстытуце кібернетыкі АН УССР імя Глушкова, загадчыкам навукова-даследчага аддзела Кіеўскага гарадскога цэнтра навукова-тэхнічнай творчасці моладзі Прагрэс, старшынёй Дзяржаўнага камітэта Украіны ў пытаннях жыллёва-камунальнай гаспадаркі.

Быў народным дэпутатам III склікання ў 80 акрузе (Запарожская вобласць) як самавылучэнец, V склікання – ад блока Наша Украіна як чалец партыі Народны звяз Наша Украіна. VI склікання – ад блока Наша Украіна – Народная Самаабарона.

У 2019 годзе быў абраны народным дэпутатам IX склікання ад ВА Бацькаўшчына нумарам 18 у спісе як беспартыйны. З'яўляецца першым намеснікам старшыні Камітэта энэргетыкі і жыллёва-камунальных паслуг.

На выбарах прэзідэнта Украіны ў 2019 годзе быў даверанай асобай кандыдаткі Юліі Цімашэнкі.