«Як можна сядзець і глядзець, як людзей збіваюць»: жыхарка Барысава сустрэла міліцыянта, які яе затрымліваў

Сустрэча адбылася праз месяц, на новай акцыі пратэсту.

Карыне Навіцкай 23 гады. 12 жніўня дзяўчыну затрымалі за тое, што яна наносіла надпісы на плакаты і здымныя канструкцыі. Тады яе асудзілі і далі вялікі, па мерках дзяўчыны, штраф - 30 базавых адзінак. Да ўсяго іншага распісалі яе ж балончыкам фарбы адзенне і валасы. Праз месяц на акцыі дзяўчына сустрэла маёра міліцыі, які сказаў, што не ведае яе, хоць у пратаколе затрымання ўказанае ягонае прозвішча, піша ex-press.by.

Дзяўчына пагадзілася распавесці сваю гісторыю пра тое, як яе затрымлівалі і як яна сустрэла таго, хто яе «затрымліваў».

Цяпер Карына жыве нармальным жыццём, ходзіць на працу і марыць пра тое, каб у яе краіне ўсё памянялася да лепшага:

- Як можна сядзець і глядзець як людзей збіваюць, калечаць, пазбаўляюць волі за тое, што яны папросту думаюць інакш і хочуць пераменаў? У галаве не ўкладваецца, што ў сучасным свеце можа дзеецца тое, што адбываецца ў нас.