20 кастрычнiка 2020, aўторак, 3:24
Сім сім, Хартыя 97!
Рубрыкі

Фінансавы аналітык: На гарызонце можа маячыць дэфолт

7
Фінансавы аналітык: На гарызонце можа маячыць дэфолт

Эканамічная сітуацыя прадаўжае разгарацца.

Згодна са свежымі звесткамі Нацбанку, у першым паўгоддзі 2020 года вонкавая пазыка Беларусі вырасла да адзнакі 41,1 мільярда даляраў - і такім чынам абнавіла гістарычны рэкорд.

Сітуацыю пагаршае той факт, што статыстыка пакуль яшчэ не ўключае жнівень і верасень, калі фінансавая сітуацыя ў краіне прадаўжала пагаршацца.

- Гэта дастаткова ўстойлівая тэндэнцыя да росту замежнай пазыкі, - распавёў у экспрэс-каментары «Салiдарнасцi» старэйшы аналітык «Альпары» Вадзім Іёсуб. - Я думаю, калі найбліжэйшым часам рэалізуюцца абяцанні Расеі пазычыць Беларусі грошай, то гэтая запазычанасць вырасце яшчэ больш - і чарговым разам абновіць гістарычны рэкорд.

На думку фінансавага экспэрта, галоўная праблема такой тэндэнцыі нават не ў велічыні запазычанасці, а ў магчымасці дзяржавы гэтую запазычанасць абслугоўваць.

- У цяперашняй палітычнай сітуацыі Беларусь пазбаўленая ўсякіх магчымасцяў для прыцягнення грошай, акрамя як з боку Расеі. Могуць быць яшчэ кітайскія крэдыты, але яны пад пытаннем. Іншых замежных крыніц у нас не будзе.

Наўрад ці Расея і Кітай пагодзяцца задаволіць усе фінансавыя патрэбнасці Беларусі. Нам у найбліжэйшыя гады трэба выплачваць прыблізна 4 мільярды даляраў штогод. А большую частку гэтай сумы трэба рэфінансаваць - гэта значыць, прыцягваць кожны год амаль 3 мільярдаў, каб вяртаць ранейшыя пазыкі.

Без такога вонкавага фінансавання могуць быць праблемы з абслугоўваннем пазык. А гэта значыць, што на гарызонце некалькіх гадоў можа маячыць дэфолт, - мяркуе Вадзім Іёсуб.

Са слоў суразмоўцы «Салiдарнасцi», беларускія ўлады могуць сутыкнуцца з фінансавымі праблемамі ўжо ў 2020 годзе, бо абяцаны расейскі крэдыт не кампенсуе ўсю суму, якую Беларусі трэба рэфінансаваць, каб разлічыцца за пазыкі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».