Кібер-партызаны выставілі ўльтыматум рэжыму Лукашэнкі
34- 24.09.2020, 13:07
- 95,322
Узурпатар павінен быць адхілены ад улады.
Беларускія кібер-партызаны вылучылі ўльтыматум рэжыму Лукашэнкі:
«Мы – кібер-партызаны і вось нашы патрабаванні:
1. Адхіленне нелегітымнага прэзыдэнта ад улады. Прызнанне Лукашэнкі ў фальсіфікацыі вынікаў выбараў.
2. Спыненне гвалту ў дачыненні да мірных грамадзянаў.
3. Вызваленне ўсіх палітычных зняволеных.
4. Правядзенне паўторных празрыстых выбараў з удзелам міжнародных і беларускіх назіральнікаў.
Усе ўзломы і атакі зладзілі 30 спецыялістаў. А што будзе, калі нас стане 2000? За два тыдні мы атрымалі 1000+ заявак ад ахвотных далучыцца да руху.
Нам ёсць куды расці, у выпадку невыканання гэтых патрабаванняў – мы пачнем пашыраць свой склад.
Мы можам зрабіць акцэнт на стварэнне кібер-супольнасці, тым самым залучаць таленавітых распрацоўнікаў і хакераў з усяго свету.
Пакуль Лукашэнка знаходзіцца ва ўладзе, мы прадоўжым атакаваць інтэрнэт-рэсурсы і асабістыя старонкі людзей, якія падтрымліваюць тэрарыстычны рэжым.
Мы будзем дапамагаць і кансалідаваць беларускае грамадзтва! Мы з народам Беларусі!
ЖЫВЕ БЕЛАРУСЬ!»
Нагадаем, што сёння на многіх касавых чэках у крамах Беларусі з'явіўся зварот кібер-партызанаў да супрацоўнікаў МУС з напамінам пра люстрацыю і патрабаваннем перайсці на бок народа.