На «Белшыне» ўся змена спыніла вытворчы працэс

Гэта стала адказам на затрыманне караеўцамі аднаго з рабочых.

Сёння ў адзін з цэхаў «Белшыны» заявіліся так званыя супрацоўнікі міліцыі, і выставіўшы аднаму з працоўных сумнавядомы артыкул 23.34 КоАП РБ павялі чалавека ў невядомым напрамку, піша «Бабруйск Online».

У адказ на гэта ўся працоўная змена спыніла вытворчы працэс. Пытанне развязалася праз дзве гадзіны пасля ўмяшання генеральнага дырэктара.