Краўчанка пра перанос ЧС: Гэта вялікая перамога ўсяго беларускага народа

Пасля змены рэжыму будуць у нас і спаборніцтвы, і ўсё, што заўгодна.

Вядомы беларускі лёгкаатлет Андрэй Краўчанка падзяліўся меркаваннем пра перанос з Менска чэмпіянату свету ў хакеі 2021, паведамляе «Трибуна».

- Лагічная рэакцыя на дзеянні ўладаў і старшыні федэрацыі хакея Баскава. Таму што, калі чалавек займае кіруючую пасаду і ў адкрытую распівае алкагольныя напоі і быў заўважаны на месцы злачынства - гэта недапушчальна. Тыя 3 адсоткі, якія яшчэ вераць Дзяржпрапагандзе, няхай вераць, іх ужо можна ў Чырвоную кнігу занасіць. А 97 адсоткаў людзей ужо давяраюць толькі сваім вачам і вушам. Гэта вялікая перамога ўсяго беларускага народа. Вельмі вялікую працу правёў фонд спартыўнай салідарнасці і беларуская дыяспара за мяжой. Я, у прынцыпе, згодны з гэтым рашэннем, таму што ў Беларусі цяпер напружаная абстаноўка і чэмпіянат свету проста не павінен праходзіць у такой атмасферы.

- Некаторыя аналітыкі ўважаюць, што чэмпіянат свету варта было правесці, бо гэта дазволіла б прыцягнуць больш увагі да праблем Беларусі падчас турніру.

- Мы не ведаем, як яно было б. Магчыма, праз каранавірус яны маглі б турнір без гледачоў правесці. Па-другое, невядома, колькі тысяч людзей яны пасадзілі б перад гэтым чэмпіянатам. Гэта вялікая рызыка. Рэальна, магчыма, арганізавалі б які-небудзь лагер. То, як цяпер яно ёсць - гэта самае дакладнае рашэнне.

- Пасля таго, што адбылося ці будзе наша краіна байкатаваць ЧС?

- Ды не, не будзе байкатаваць. Навошта? Думаю, што паедзе наша каманда. Калі дадумаюцца да байкоту, гэта будзе яшчэ адзін мінус уладзе.

- Ці можа наша ўлада правесці нейкі альтэрнатыўны чэмпіянат падчас правядзення сапраўднага?

- Не ведаю, мне здаецца, не. Што гэта будзе за турнір такі? Колькі там будзе краін? Хто наогул на яго прыедзе? Я думаю, што гэта нерэальна. Усё ж людзі выдатна разумеюць і бачаць, што адбываецца ў Беларусі. Сюды проста ніхто не захоча ехаць.

- Як гэта рашэнне можа паўплываць на далейшыя перспектывы таго, што Беларусі будуць давяраць правядзенне міжнародных турніраў?

- Думаю, што ўсё наладзіцца толькі пасля змены рэжыму. Калі гэта адбудзецца, то будуць у нас і спаборніцтвы, і ўсё, што заўгодна, - сказаў Краўчанка.