З'явілася відэа моманту рэзананснага ДТЗ на Камароўцы, дзе пазадарожнік заехаў у падземны пераход

Цудам абышлося без ахвяр.

8 студзеня а 16:30 на скрыжаванні вуліц Веры Харужай і Куйбышава здарылася ДТЗ. Белы Infiniti QX апынуўся ў падземным пераходзе. Аўтамабіль, мяркуючы па ўсім, прабіў парэнчы. Як ён там апынуўся, пакуль незразумела. У машыны стрэлілі падушкі бяспекі. Цікава, што нумароў у машыны няма - альбо іх знялі адразу пасля аварыі. У ДАІ паведамілі, што 42-гадовы кіроўца пры здзяйсненні левага павароту на Куйбышава не справіўся з кіраваннем і заехаў у падземны пешаходны пераход. У выніку ДТЗ аўтамабіль атрымаў механічныя пашкоджанні. Пасля агляду медыкаў кіроўца адпушчаны. Пацярпелых няма.

Відэа з момантам ДТЗ, які трапіў у аб'ектыў відэарэгістратара, даслаў у рэдакцыю партала Onliner.by адзін з чытачоў. Відаць, што хуткасць у пазадарожніка досыць вялікая, і здаецца, што паварочваць ён пачаў не адразу. Кіроўца таксама растлумачыў, што ў яго стаіць зімовая шыпаваная гума.