Чым Крамлю пагражае адстаўка канцлера Аўстрыі

Пазіцыя Вены ў дачыненні да расейскага рэжыму можа стаць больш жорсткай.

Пра гэта кажа вядучы спецыяліст Дыпламатычнай акадэміі Украіны імя. Генадзя Удавенкі, кандыдат палітычных навук Станіслаў Жэліхоўскі, піша "Апостроф".

«Гэта падзея пацвярджае тое, што Расея страчвае свой уплыў у Аўстрыі, хоць я б не назваў Себасцьяна Курца ярка выяўленым прарасейскім палітыкам, бо ў Аўстрыі ўсё ж такі ёсць палітыкі з вялікімі сімпатыямі да Расеі. Аднак тыя падзеі, якія зараз адбываюцца, паказваюць, што метады вядзення палітыкі з боку Курца трохі нагадваюць расейскія. Гаворка ідзе пра карупцыйны скандал, і аб фінансаванні розных аўстрыйскіх СМІ для ўласнага прасоўвання ў медыя ў станоўчым святле», - уважае экспэрт.

Ён не адмаўляе магчымасці таго, што глабальна палітыка ў дачыненні да Расеі не зменіцца, бо новы канцлер сябра партыі, кіраўніком якой быў Курц.

«Курц застаецца лідарам Аўстрыйскай народнай партыі, у якую ўваходзіць новы канцлер Шаленберг. Такім чынам, у межах партыі можна сказаць, што ў Курца значна больш уплыву, чым у Шаленберга. Імаверна, што Шаленберг будзе падтрымліваць тую палітыку, якая была пры Курцу, але магчыма з больш жорсткімі нотамі ў дачыненні да Масквы», - адзначыў экспэрт.

Невядома пакуль, ці ўдасца экс-канцлеру пракруціць такі манеўр, усё залежыць ад таго, ці прымуць захады стрымання супраць яго.

«У найбліжэйшыя месяцы мы ўбачым, як Аўстрыя справіцца з гэтымі выклікамі, якія стаяць перад ёй. Тым не менш, безумоўна, ёсць пэўныя станоўчыя зрухі: за апошнія тры гады я ўбачыў, што расейскі ўплыў на Аўстрыю паступова зніжаецца, і мы разумеем, што рана ці позна Расея цалкам страціць свой кантроль у цэнтральна-ўсходнееўрапейскім рэгіёне», - падсумаваў Станіслаў Жэліхоўскі.