Кіраўнік Пентагона падчас візіту ва Украіну і Грузію пацвердзіць, што дзверы NАТО адчыненыя

ЗША ўмацоўваюць суверэнітэт краін, якія змагаюцца з расейскай агрэсіяй.

Міністр абароны ЗША Лойд Осцін падчас візіту ва Украіну і Грузію падкрэсліць, што дзверы NАТО для абедзвюх краін адкрыты. Пра гэта паведамляе «Новое время».

ЗША ўмацоўваюць суверэнітэт краін, якія пакутуюць ад расейскай агрэсіі, гаворыцца ў паведамленні.

«Осцін падкрэсліць у Грузіі і Украіне, што дзверы ў NАТО адчыненыя, і закліча гэтыя краіны правесці змены, неабходныя для таго, каб яны маглі прэтэндаваць на сяброўства ў абаронным Альянсе», - інфармуе прэс-служба.

Таксама ў Пентагоне заявілі, што міністр абароны ЗША пагаворыць з лідарамі Украіны, Грузіі і Румыніі аб бяспецы ў Чорным моры і аб умацаванні супрацоўніцтва паміж імі.

Лойд Осцін ў рамках візіту ў Еўропу ўпершыню наведае Украіну. Чакаецца, што на наступным тыдні ён сустрэнецца з прэзідэнтам Уладзімірам Зяленскім і міністрам абароны Андрэем Таранам. Яны абмяркуюць прагрэс Украіны ў рэалізацыі рэформаў абароннай прамысловасці і еўраінтэграцыйныя імкнення краіны.

Пасля сустрэчы Зяленскі з амерыканскім прэзідэнтам Джо Байдэнам у Вашынгтоне, у Белым доме заявілі, што для ўступлення Украіны ў NАТО трэба выканаць шэраг умоў. Паводле слоў прэзідэнта Украіны, тады Байдэн яму сказаў, што Украіна павінна быць у Альянсе.