Кіраўнік МЗС Латвіі прапанаваў увесці санкцыі супраць «Белавія» і беларускіх турфірм
6- 18.10.2021, 12:12
- 9,594
Лукашэнка ўсё яшчэ выкарыстоўвае міграцыю ў якасці зброі.
Еўразвяз павінен пашырыць санкцыі супраць Беларусі, сярод іншага ўвесці абмежавальныя захады ў дачыненні да авіякампаніі «Белавія» і беларускіх турыстычных фірмаў, заявіў кіраўнік МЗС Латвіі Эдгарс Рынкевічс у Люксембургу.
«Нам трэба ўвесці больш строгія санкцыі, асабліва з улікам таго, што Лукашэнка ўсё яшчэ выкарыстоўвае міграцыю ў якасці зброі. Трэба ўвесці санкцыі супраць турыстычнага сектара, супраць турыстычных кампаній, якія арганізуюць палёты. Таксама трэба ўвесці строгія санкцыі ў дачыненні да «Белавія», каб кампанія не атрымлівала ніякай тэхнічнай падтрымкі нават пры ажыццяўленні перасадкавых рэйсаў», - сказаў ён.
Рынкевічс дадаў, што краінам ЕЗ таксама варта абмеркаваць, якую яшчэ падтрымку яны могуць надаць беларускім СМІ і грамадзянскай супольнасці.