28 лiстапада 2021, Нядзеля, 15:08
Сім сім, Хартыя 97!
Рубрыкі

У Слоніме праз каранавірус памёр кіраўнік кафедральнага сабора

У Слоніме праз каранавірус памёр кіраўнік кафедральнага сабора

Святар памёр на 84-м годзе жыцця.

З прычыны каранавіруснай інфекцыі на 84-м годзе жыцця памёр кіраўнік Спасаўскага кафедральнага сабора горада Слоніма мітрафорны протаіерэй Віктар Бакавец, паведамілі ў БПЦ.

"Да апошніх гадоў служэння айца Віктара па духоўную дапамогу ў Спасаўскі сабор сцякалася мноства прыхаджан. Сваёй шчырай малітвай многіх вярнуў ён да жыцця, наставіў на шлях выратавання", - гаворыцца ў паведамленні.

Спаса-Праабражэнскі сабор падчас вайны моцна пацярпеў, а ў 1963 годзе быў падарваны і застаўся толькі падмурак. З блаславення і пры дапамозе кіроўнага архірэя, прыхаджан храма і неабыякавых людзей айцец Віктар шмат папрацаваў над яго аднаўленнем.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».